"Саха сирин кыһынын үс көлүөнэтэ"

“Кыһын Саха сириттэн саҕаланар” бэстибээл чэрчитинэн, фотохудожник Ксения Пироговская “Саха сирин кыһынын үс көлүөнэтэ” диэн бырайыагын киэҥ эйгэҕэ таһаарда.

Фотопроект Дьокуускай дьаһалтатын Култуураҕа салаатын быһаччы өйөбүлүнэн таҕыста. Ксения Пироговская бэйэтэ Геология институтун научнай үлэһитэ, хаартыскаҕа түһэриинэн иллэҥ кэмигэр сөбүлээн дьарыктанар. Хаартысканан остуоруйа быһыытынан тахсыбыт циклга Кыһын-Хотун оруолун ырыаһыт Алена Дегтярева, Кыһын-кыысчаан оруолун кини кыыһа Вероника толордулар. Кыһын-Эбээ уобараһын Саха театр артыыһа Софья Баранова итэҕэтиилээхтик тиэртэ.

“Кыһын Саха сириттэн” саҕаланар бэстибээл кэмигэр баҕалаах барыта хаартыска, оҥоһук, уруһуй күрэхтэригэр, араас маастар-кылаастрага кыттыан сөп. Бэстибээл бырагыраамата биһиги сайпытыгар уонна якутск.рф дьаһалта сайтыгар, Култуура уонна духуобунай сайдыы управлениетын cultura14.ru сайтыгар көрүөххүтүн сөп.