01.04.2024 | 13:39

Саха сирин 80-тан тахса маастара – биир сиргэ

А.Е. Кулаковскай аатынан Норуоттар доҕордоһууларын дьиэтин «Симэх» галереятыгар «Саха сирин кырадаһын мозаиката» XII-с өрөспүүбүлүкэтээҕи быыстапка арылынна.
Саха сирин 80-тан тахса маастара – биир сиргэ
Ааптар: Уйгулана БОЧОНИНА
Бөлөххө киир

Быыстапка норуот маастардарын уопуттарын тарҕатар, үйэтитэр сыаллаах. Барыта 85 маастар 15 уопсастыбаннай түмсүүттэн уонна 22 улуустан кыттар: Алдан, Анабаар, Үөһээ Бүлүү, Дьааҥы, Кэбээйи, Ленскэй, Мэҥэ Хаҥалас, Мииринэй, Муома, Нам, Нерюнгри, Аллараа Халыма, Өлүөхүмэ, Орто Халыма, Сунтаар, Таатта, Уус Алдан, Уус Майа, Хаҥалас, Чурапчы улуустарыттан,  Хатас нэһилиэгиттэн уонна Дьокуускай куораттан.


Араас өҥнөөх, кээмэйдээх паннолар, чаппараахтар илиинэн тигиллэн, саала хас биирдии эркинин киэргэтэллэр. Уустук тигилээх саха таҥастара, суумкалар, куукулалар, оҕуруоттан тиһиллибит кэрэ симэхтэр киһи хараҕын тардаллар. Манна сахалыы иис, кыбытык тигии, боолдьоҕу хатайдааһын, кыл, түү оҥоһуктар дьон-сэргэ көрүүтүгэр турдулар. 
Араас өҥнөөх таҥас лосскуйдарынан аттаран тигиллибит үлэлэр быыстапка улахан аҥаарын ылаллар. Хас биирдии маастар бэйэтэ истииллээх; холобура, Сунтаар маастара Августина Евсеева паннолара өстүөкүлэ тааска уруһуй курдук хас биирдии кырадаһына хара кыбытыктаах. Оттон Хатастан Мария Дегтярева “Пастбище”, “Лежбище моржей” үлэлэригэр табаларын, моржтарын түүлээх тириинэн тикпитин киһи эрэ имэрийэн көрүөн баҕарар.


Маастардар иэйии ылар айымньылара – Олоҥхо. Бу саха норуотун хатыламмат кэрэ, уостубат суһумнаах айымньытыгар олоҕуран саҥаны айар эмиэ уустук, тулууру ирдиир үлэ. Олоҥхо ис хоһоонун, эйгэтин, тыынын биэрэр “Кырадаһын абылаҥа” түмсүү икки сылтан ордук тикпит «Дьулуруйар Ньургун Боотур» паннота эбэтэр Анастасия Борисова боолдьох хартыыната улахан кээмэйдэринэн эрэ буолбакка, ымпыгар-чымпыгар оҥоһуллубуттара сэҥээрини тардар.
Быыстапка муус устар 28 күнүгэр диэри турар. Ону таһынан Саха сирин бастыҥ маастардара баҕалаахтарга маастар-кылаастары ыыталлар. Талба талааннаахтар, саха иискэ култуурата үйэлэргэ хааларыгар, сайдарыгар кылааттарын киллэрэ сылдьар маастардар үлэлэрин кэлэн көрүҥ, дуоһуйа сынньаныҥ, саҥаны арыйыҥ!

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
НВК Саха бырагыраамата муус устар 8-14 күннэригэр
Сонуннар | 07.04.2024 | 10:00
НВК Саха бырагыраамата муус устар 8-14 күннэригэр
Понедельник, 8 апреля 6:00 Сана кун 6+ 9:00 Утро Якутии 6+ 10:00 Саха Сирэ 12+ 10:15 Саха сатаабата суох 6+ 10:45 Сайдыс 6+ 11:15 Улэ дьоно 12+ 11:45 Репортаж 12+ 12:00 "Якутия" информационная программа 12+ 12:15 Эйгэ 6+ 13:30 "Саха Сирэ-Якутия" информационная программа 12+ 14:00 Тэтим 6+ 15:00 Уонна...12+ 16:00...