09.10.2023 | 17:11

Саха сиригэр VII-с норуоттар икки ардыларынааҕы поэзия бэстибээлэ ыытыллыаҕа

Өрөспүүбүлүкэҕэ алтынньы 11 күнүттэн «Благодать большого снега» диэн VII-с норуоттар икки ардыларынааҕы поэзия бэстибээлэ ыытыллыаҕа диэн СӨ Култуураҕа министиэристибэтин пресс-сулууспата иһитиннэрдэ.
Саха сиригэр VII-с норуоттар икки ардыларынааҕы поэзия бэстибээлэ ыытыллыаҕа
Ааптар: Киин Куорат
Бөлөххө киир

Алтынньы 14 күнүгэр диэри ыытыллар бэстибээлгэ Дьокуускайтан, Москваттан, Махачкалаттан, Архангельскайтан, Уфаттан, Казаньтан, итиэннэ Казахстан уонна Киргизия өрөспүүбүлүкэлэриттэн  кыттыахтара. Бу бэстибээл икки сылга биирдэ, 2012 сылтан саҕалаан ыытыллар.

«Благодать большого снега» диэн бэстибээл аата – бу Саха сирин норуодунай поэта Семен Данилов хоһоонун строката. Кини уус-уран эрэ буолбакка, дириҥ ис хоһоонноох. Бэстибээл, маҥнайгы хаар түһэр кэмигэр ыытыллар буолан, хаар уобараһа инники күөҥҥэ тахсан, норуоттар икки ардыларынааҕы поэзия бэстибээлин брендинэн оҥорор кыаҕы биэрэр», — диэн этиллэр иһитиннэриигэ.

Бэстибээл кыттыылаахтарынан Саха сирин норуоттарын литературатынан интириэһиргиир суруйааччылар уонна поэттар, Саха сирин туһунан суруйар ааптардар уонна тылбаасчыттар буолуохтара. Тэрээһин чэрчитинэн ХИФУ уонна да атын үөрэх кыһаларын балаһааккаларыгар көрсүһүүлэр, итиэннэ өрөспүүбүлүкэ улуустарыгар сырыылар буолуохтара. Бырагыраамаҕа олоҕуран аныгы поэма уонна тылбаас кыһалҕаларынан төгүрүк остуоллар, араадьыйаҕа уонна телевидениеҕэ тахсыы былааннанар.

Бэстибээл ыытыллыаҕыттан ыла «Антология современной якутской поэзии» поляктыы, П.А. Ойуунускай кинигэтэ азербайджан тылынан, Наталья Харлампьева уонна Евдокия Иринцеева-Огдо кинигэлэрэ английскайдыы тылбаастанан таҕыстылар. Итини сэргэ саха поэзиятын хомуурунньуга туроктыы, болгардыы, монголлуу, казахтыы уонна киргизтии тылларынан бэчээттэннилэр.

Бэстибээл сүрүн тэрийээччилэрэ – Саха Өрөспүүбүлүкэтин Култуураҕа уонна духуобунай сайдыыга министиэристибэтэ, М.К. Аммосов аатынан Хотугулуу-Илиҥҥи Федеральнай университет уонна Саха сирин суруйааччыларын сойууһа.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...