Саха сиригэр оттооһун былаана 77% туолла

Билиҥҥи туругунан региоҥҥа 27 478 тонна сиилэс (былаантан 91%-на), сенаж – 12 356 тонна (95%) бэлэмнэннэ.

Былаантан хаалыы Кэбээйи улууһугар (44%), Үөһээ Дьааҥыга (54%), Бүлүү улууһугар (70%), Горнайга (77%) көстөр.

Билиҥҥи кэмҥэ регион бары хаһаайыстыбаларыгар сүөһү аһылыгын бэлэмнээһин хампаанньатыгар 1 933 киһи, 641 тыраахтыр кыттар.

 Өрөспүүбүлүкэ үрдүнэн 84 мобильнай биригээдэ үлэтин салгыыр. Кинилэр 53 339 тонна былаантан 41 189 тонна оту, ол эбэтэр 77 % бэлэмнээтилэр.

Суһал дааннайдарынан, балаҕан ыйын 29 күнүнээҕи туругунан, 7 223 га туорахтаах култуура хомулунна, 7062 тонна мэлии бурдук бэлэмнэннэ (былаантан 57%). Бары хаһаайыстыбаларга 6 587 га (98%) хортуоппуй хомулунна.