Саха сиригэр арыгы атыытын хааччахтыыр туһунан сокуон ылылынна

Саха сирин парламена бүтэһик ааҕыыга өрөспүүбүлүкэ территориятыгыгар арыгы атыытын хааччахтыыр сокуону ылынна.

Сокуоҥҥа олоҕуран, алкогольнай бородууксуйа атыытын бириэмэтигэр, усулуобуйатыгар уонна миэстэтигэр эбии хааччахтааһын киирдэ. Сокуон олоххо 2023 сыл балаҕан ыйын 1 күнүгэр киирэр, арыгыны атыылыыр тэрилтэлэр саалалара кэҥиирэ былааннанар.

Ол курдук, Дьокуускайга саалалар 75 квадратнай миэтэрэҕэ, оттон  өрөспүүбүлүкэ атын нэһилиэнньэлээх пууннарыгар 50 квадратнай миэтэрэҕэ диэри улаатыахтара. Сокуон, бастакы уочарат, элбэх кыбартыыралаах дьиэлэргэ уонна таһынааҕы территорияларга баар сымыйа кафеларга сыһыаннаах.

2022 сыл сэтинньи 30 күнүгэр, сокуон барылын бастакы ааҕыыга, Дьокуускайга баар 63 «наливайкалар» уонна сымыйа кафелар үлэлэрэ тохтотуллуоҕа диэн этиллибитэ.

Куорат баһылыга Евгений Григорьев, сокуоҥҥа киллэриллибит уларытыыга олоҕуран, олорор дьиэлэр уонна социальнай эбийиэктэр аттыларыгар баар «наливайкалар» уонна сымыйа кафелар үлэлэрэ тохтуоҕа диэн бэлиэтээтэ. «Ити көҕүлээһин олоххо киирэрин өйөөбүт куорат нэһилиэнньэтигэр, итиэннэ Судаарыстыбаннай мунньах дьокутааттарыгар, уопсастыбаннас бэрэстэбиитэллэригэр махталбын тиэрдиэхпин баҕарабын», - диэн баһылык социальнай ситимнэргэ суруйда.