Саха Өрөспүүбүлүкэтин Быыһыыр сулууспата ыраах айаҥҥа үчүгэйдик бэлэмнэнэн аттанарга сүбэлиир

Саас - айанньыттарга саамай уустук уонна былдьаһыктаах кэм. Бэлиэтээн эттэххэ, бүгүҥҥү күҥҥэ Саха Өрөспүүбүлүкэтин территориятыгар бүтүннүү Өлөөн өрүскэ Өлөөн - Харыйалаах суолтан ураты кыһыҥҥы суоллар сабыллан тураллар. 
Онон Саха Өрөспүүбүлүкэтин быыһыыр сулууспата кыһыҥҥы суолга тахсыы кытаанах административнай эппиэтинэстээҕин санатар.
Өрүстэн атын суолларынан ыраах айаҥҥа турунар суоппардары кичэллээхтик тиэхиньикэ туругун көрүнэн, бэйэлэригэр халыҥ, уларыттар таҥас-сап, ас-үөл хааччынан баралларыгар ыҥырар. Маны сэргэ домкрат, саппаас көлөһө, күлүүс арааһа, арыы, антифриз, буксир торуоһа, аккумулятор сэрээттиир тэрил, күрдьэх, сүгэ ылар булгуччулааҕын санатар. Айаҥҥа турунааччылар маршруту эрдэттэн үөрэтэн, чугас дьоннорун сэрэтэн барыахтаахтар.   
Төлөпүөн ииттэрэр тэрил, саппаас аккумулятор, кэтэр, утуйар таҥас, уот оттор, уоту умуруорар тэриллэр, банаар, аптечка ылары умнубаттарыгар сүбэлииллэр.
Оттон ыксаллаах быһыы-майгы үөскээтэҕинэ, суһал сулууспалар нүөмэрдэригэр эрийиэххэ наада: «112», (4112) 45-90-19, диэн иһитиннэрэр СӨ Быыһыыр сулууспатын пресс-сулууспата.