"Саха" НКИХ онлайн-выпускной тэрийэр

Аан дойду үрдүнэн 2020 сыллааҕы оскуоланы бүтэрээччилэр пандемиянан сибээстээн тиһэх чуорааны бэлиэтиир кыаҕа суох хааллылар.

«Саха» национальнай көрдөрөр-иһитиннэрэр хампаанньа 11-с кылааһы түмүктүүр үөрэнээччилэри өйүүр сыаллаах, ыам ыйын 31 күнүгэр бэйэтин ханаалыгар онлайн выпускной ыытыаҕа.

Бу күн оскуолалар дириэктэрдэрэ, кылаас салайааччылара уонна өрөспүүбүлүкэ бары олохтоохторо эҕэрдэ марафоннара ыытыллыаҕа.

Кыттыыны ыларга хас биирдии кылаас бэйэтин кылааһын, инники сыалларын, оскуолаҕа үөрэммит кэмнэрин бэлиэ түгэннэрин туһунан кэпсиирин уонна атын оскуоланы бүтэрээччилэргэ баҕа санааларын видеоҕа устан ыытара ирдэнэр.

Киирбит эҕэрдэлэр бары анал инстаграм аккаунҥа тахсыахтара уонна ыам ыйын 31 күнүгэр өрөспүүбүлүкэтээҕи ханаалга көстүөхтэрэ.

Видеоларгытын 2020 сыл ыам ыйын 27 күнүгэр диэри vipusk_ykt2020@mail.ru  электроннай почтаҕа оскуолаҕытын, кылааскытын, кылааскыт салайааччытын аатын-суолун уонна төлөпүөнүн нүөмэрин ыйан ыытаргыт ирдэнэр.

Бэлэм видео ролик ирдэбилэ:1. Уһуна 3 мүнүүтэҕэ диэри;2. Кээмэйэ — 16:9 (сытыары видео буолуохтаах!);3. Видео хаачыстыбата — FULL HD — 1920×1080;4. Битрейт — саамай улааппыта (10 Мбит/с уонна онтон үөһэ);5. Уот — камера өттүттэн тыгар уот, эбэтэр күнүскү кэмҥэ уһуллубут буолуон сөп, холобура түннүк инниттэн (киһи сирэйэ сырдыктык көстүөхтээх);6. Титр — оскуола аата уонна кылаас нүөмэрэ;7. Видеолары тутуу болдьоҕо 2020 сыл ыам ыйын 27 күнүгэр диэри;8. Электроннай почта аадырыһа — vipusk_ykt2020@mail.ru.

Редакция ирдэбилгэ эппиэттээбэт роликтары ылбат бырааптаах.