Саха академическай театр 117 сезонун Калмыкия театра арыйар

олохтоохторо драмтеатр «Я - Будда», «Араш», «Калмыцкая свадьба» туруорууларын көрөр кыахтаннылар.

«Биһиги уруккуттан Саха сиригэр сылдьыахпытын баҕарбыппыт. «Улахан гастроллар» федеральнай бырагыраама баар буолан, Арассыыйа араас регионнарыгар сылдьар кыахтанныбыт. Саха академическай театр салалтата этиибитин ылыммытыттан үөрэбин. Соторутааҕыта театр биһиэхэ кэлэн ыалдьыттаабыта уонна бэртээхэй туруоруулары көрдөрбүтэ», - диэтэ пресс-конференцияҕа Калмыкия национальнай драматическай театрын генеральнай дириэктэрэ Галина Шураева.

Калмыкия театрын уус-уран салайааччыта Борис Манджиев национальнай актердар сайдыыларыгар саха театра улахан оруоллааҕын бэлиэтээтэ.

«Биһиэхэ Саха академическай театра Арассыыйа национальнай театрдарыгар суолу тэлэйбит театрынан буолар. Арассыыйа национальнай театрыгар улахан болҕомто ууруллубат этэ. Этэргэ дылы, Саха театра Европаҕа түннүгү арыйда, кини көмөтүнэн национальнай театрдардар тустарынан саҥарар буоллулар», - диэн Борис Манджиев санаатын үллэһиннэ.

Бүгүн, алтынньы 14 күнүгэр, нууччалыы тылынан «Я – Будда» испэктээкил көстөр, аныгыскы күннэргэ «Араш» уонна «Калмыцкая свадьба» синхроннай тылбаастаах испэктээкиллэр көрөөччү дьүүлүгэр тахсыахтара.