«Саас» оҕо медиа-форума тэриллэр

Тэрээһин оскуолалар медиа-кииннэрин салайааччыларыгар, активистарыгар, эдэр кэрэспэндьиэннэригэр үөрэтэр уонна уопут атастаһар балаһаакканан буолуоҕа.

Форум кыттыылаахтара профессиональнай таһымнарын үрдэтиэхтэрэ уонна бэйэлэрин медиабородуукталарын оҥорон таһааран өрөспүүбүлүкэ үрдүнэн тарҕатар кыахтаныахтара.

Медиа-форумҥа кыттарга пуормаҕа олоҕуран сайаапканы толоруохха, онтон кулун тутар 5 күнүгэр 23.59  чааска диэри saasvideo@mail.ru электроннай почтаҕа «Форум детских медиа» диэн бэлиэтээн баран ыытыахха наада. Биирдиилэн уонна хамаанданан сайаапкалары биэриэххэ сөп.

Тиһэх түһүмэх кулун тутар 21 күнүттэн муус устар 5 күнүгэр диэри «Сосновый бор» базатыгар ыытыллыаҕа. Кыттааччылар хамаанданан арахсан бэйэлэрин өрөспүүбүлүкэтээҕи медиабырайыактарын оҥорон таһаарыахтара.

Форум түмүгүн таһаарыы уонна кыайыылаахтары биллэрии 2023 сыл кулун тутар 24 күнүгэр «Триумф» спорт киинигэр буолуоҕа.

Тэрийээччи: Н.Е. Мординов-Амма Аччыгыйа аатынан «Кэскил» оҕоҕо аналлаах таһаарыы кыһата. Билсэр төлөпүөн: 8-914-300-01-99, 8-4112-34-11-12.