18.11.2023 | 14:00

Саахалга бэлэм буолуҥ

Дьокуускай куорат уокуруктааҕы дьаһалтата олох-дьаһах хомунаалынай хаһаайыстыбатын ситимнэригэр саахал, кээһэнии тахсар түгэнигэр олохтоохтору сэрэхтээх буоларга ыҥырар. Ордук кыһыҥҥы кэмҥэ ситимнэр кээһэниилэрэ улахан мэһэйдэри үөскэтэр, маныаха кэмигэр сөпкө дьаһаммыт, эрдэттэн бэлэмнэммит ордук.
Саахалга бэлэм буолуҥ
Ааптар: Розалия Томская
Бөлөххө киир

Электроэнергия ситимигэр кээһэнии таҕыстаҕына, олохтоохтор өр кэмҥэ уота суох хаалыахтарын сөп, ону кытта уопсастыбаннай тырааныспар сырыыта үксүн уларыйар, уокка оҕустаран эчэйии куттала улаатар.

Канализация саахалыгар кирдээх эттиктэр тулалыыр эйгэҕэ тарҕанан, эпидемиологическай турук нуормата кэһиллэр.

Уунан хааччыйыы ситимигэр алдьаныы түмүгэр олохтоохтор иһэр уута суох хаалыахтарын сөп.

Ититии ситимигэр кэһиллии тахсыыта кыһын дьиэлэри тоҥорор кутталланар, дьону куттала суох сиргэ көһөрүү ыытыллыахтаах.

 

Олох-дьаһах хомунаалынай ситимигэр тахсар кээһэниилэри, буоларын курдук, туһааннаах сулууспалар түргэнник туората сатыыллар, ол эрэн сорох түгэҥҥэ саахалы туоратыы бириэмэтэ уһаан биэриэн сөп. Ол иһин дьиэ иһигэр хайаан да испиискэ, хаһаайыстыбаннай чүмэчи, уоту кылгас кэмҥэ хааччынар тэриллэр (холобур, генератор уонна кини оттуга) баар буолуохтаахтар.

Тугу гынабыт?

Бастатан туран, суһал сулууспаларга иһитиннэрэбит:

РЭС ЦЭС ПАО “Якутскэнерго” диспетчердэрин киин сулууспата – 21-55-68

ЯТЭЦ ПАО «Якутскэнерго» – 21-58-49

Гаас сулууспата – «104»

«Водоканал” АУо – 44-91-54

ЕДДС – 44-42-51

112 – манна эрийэн, аварийнай сулууспаларга иһитиннэриҥ диибит.

Уот барар, арахса-арахса холбонор түгэнигэр, суһаллык электрическэй прибордары розеткаттан араарабыт – уот кэлэр түгэнигэр, прибордар алдьамматтарын, алҕас баһаар саҕаламматын туһугар маннык дьаһаныахтаахпыт.

Чааһынай дьиэлээхтэргэ ититиилэрэ уот бардаҕына, саппаас генератордаах уонна онтуларыгар уматыктаах буолаллара ордук.

Уот суох кэмигэр ас астанарга, эрэллээх прибордарынан туттуҥ. Баһаартан сэрэхтээх буолуҥ.

Уу ситимэ алдьаннаҕына, кырааннары барытын сабыахтаахпыт. “Водоканал” диспетчердэригэр эрийэн иһитиннэрэбит – 44-91-54.

Ас астанаргытыгар атыыланар иһиттээх ууну туттуҥ, күөлтэн,  үрүйэттэн уу баһар доруобуйаҕа кутталлаах.

Ханнык баҕарар ууну оргутан баран иһиллиэхтээх. Бытовой фильтрдары туттар, ууну иһиккэ баһан баран туруора түһэн сөҥөрдөр ордук, онно эбии үрүҥ көмүс манньыаты эбэтэр ньуосканы уган, бактерияларын өлөрүөххэ сөп.

Кран уутун тоҥорон баран ириэрэн аһылыкка туттуохха сөп. Бастаан чараас гына үөскээбит мууһун ылан быраҕабыт. Онтон иһитин аҥаара тоҥмутун кэннэ, ордук уутун сүөкээн кэбиһэбит, мууһун ириэрэн иһэр уу оҥостобут.

Ититии ситимэ араҕыстаҕына, ититиинэн хааччыйар тэрилтэ диспетчердэригэр эрийэн тиийэҕит (ЯТЭЦ, АУо «Теплоэнергия» уо.д.а.):

ЯТЭЦ – 21-58-49

“Теплоэнергия” АУо – 35-85-33

Дьиэни ититэргэ алдьаныыта суох, үчүгэй туруктаах эрэ ититэр прибордарынан туһаныҥ, бэйэ оҥоһуута уоту ыытар бобуллар. Электрическэй эбэтэр гаас билиитэтинэн дьиэни ититэр эмиэ көҥүллэммэт. Ититии барбыт дьиэтигэр ааннары, түннүктэри суорҕанынан сабар ордук, дьиэ кэргэн дьонун барытын биир хоско түмэн олоруҥ – сылаас буолуо. Халыҥнык таҥнан баран тумууну сэрэтэр эмтэри иһиэххэ сөп.

Гаас сытын ыллаххытына, билиитэҕит кыраанын тута сабан кэбиһиҥ. Табахтаамаҥ, испиискэни уматымаҥ, уоту холбоомоҥ, кыбартыыра уотун барытын счетчиктан арааран кэбиспит ордук – уот кыымыттан гаас эстиэн сөп. Ааны, түннүгү-үөлэһи барытын арыйан, дьиэҕитин салгылатыҥ. Дьиэлээхтэргитин таһырдьа таһаартааҥ.

Гаас сытыгар туймаарбыт дьон баар буоллаҕына салгыннаах сиргэ таһааран, төбөтүн үөһээ гына сытыарыҥ, суһал көмөнү ыҥырыҥ.

Гаас сулууспата – 104

Таһырдьа алдьаммыт, быстыбыт уот ситимин боруобаттарыттан 5-8 миэтэрэ тэйиччи туттуохтаахпыт, тутан көрөр, көннөрөр табыллыбат. Атын дьон тыыппатын курдук, кэтэбили тэрийиҥ уонна ЕДДС 44-42-51 эбэтэр  РЭС ЦЭС ПАО «Якутскэнерго» диспетчердэригэр эрийиҥ 21-55-68.

Өскөтүн электричество ситимэ эһиги таскытыгар быһыннаҕына,  хардыылаан буолбакка, куобахтыы ойон бу сиртэн тэйэн биэриэхтээххит (маныаха “шаговое напряжение” диэн үөскүөн сөп, ол иһин икки атаххытын холбуу тутан ойуохтааххыт).

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...