30.10.2023 | 15:00

Саҥа оптуобустар маршрукка тахсыахтара

Саҥа оптуобустар маршрукка тахсыахтара
Ааптар: Киин Куорат
Бөлөххө киир

Бүгүн, алтынньы 30 күнүгэр, куорат уопсай планеркатыгар «Пассажирдары тиэйиини тэрийээччи» МХТ иһитиннэрбитинэн, тэрилтэ уопсастыбаннай тырааныспар үлэтин анаалыстаабыт, олохтоохтор санааларын үөрэппит уонна тиэйээччилэри кытта мунньахтаабыт.

Графиктары толоруу 3%-нан үрдээбит, ол эрэн сорох маршруттарга уустук балаһыанньа син-биир үөскүүр.

«Киэһээ өттүгэр сырыы арытын кылгатар эрэ улахан туһаны аҕалбат, тырааныспар ахсаана эбиллиэн наада. Социальнай ситимнэргэ кэлэр иһитиннэрии барыта  уопсастыбаннай тырааныспар үлэтигэр сыһыаннаах. Саҥа оптуобустары маршрукка таһаарыҥ», - диэтэ Евгений Григорьев.

Куорат кытыытыгар сылдьар оптуобустары хайдах даҕаны устан кииҥҥэ сүүрдүллүбэт.

«Саамай дьон тоҕуоруһар, пассажир элбиир кэмигэр куорат кытыытынааҕы маршруттарга улахан оптуобустары туруоруохпут», - диэтэ куорат баһылыгын солбуйааччы Антон Алексеенко.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...