Саҥа кинигэ таҕыста

Талыы талба хонуулардаах, үлэһит үтүөтэ дьоннордоох, элбэх суруйааччылары,артыыстары биэртэлээбит, ырыаҕа ылламмыт, хоһооҥҥо хоһуйуллубут ытык Таатта сириттэн төрүттээх, Арассыыйа суруналыыстарын Сойууһун чилиэнэ, Козлова Анна Петровна, тус бэйэтэ суруйбут алтыс кинигэтин бэчээттэттэ. Кинигэбит аата "САЙДАР САҔАҔЫ ТҮСТЭЭЧЧИЛЭР" диэн, аата этэрин курдук, үтүө, үлэһит дьоннор тустарынан "Киин куорат", "Забота Арчы", "Туймаада" уонна улуус хаһыаттарынан тахсыбыт бастыҥ ыстатыйаларын түмэн киллэрбит. Кини өссө доҕотторун-атастарын кинигэлэрин бэрэбиэркэлээн, бэлэмнээн таһаарсар үтүө үгэстээх. Анна Петровна Дьокуускай куорат Автодорожнай уокуругун биир саамай киэн туттар, көхтөөх олохтооҕун быһыытынан үрдүктүк сыаналыыбын. Көмүс бөрүөҥ күлүмүрдээн, суруйар талааныҥ тахсан истин, саҥа ситиһиилэри, саҥа айымньылары баҕарабын.

Людмила Богатырёва, Дьокуускай куорат.