Үс Хатыҥ ипподрома саҥардыллар
Туймаада ыһыаҕар бэлэмнэнии чэрчитинэн Иннокентий Свинобоев (Тыыннаахап) аатынан ипподромҥа өрөмүөн ыытыллан эрэр, диэн Олохтоох дьаһалта Тыа хаһаайыстыбатыгар управлениетын салайааччыта Марат Данилов иһитиннэрэр.
Үс Хатыҥ ыһыаҕар быйылгы ат сүүрдүүлэрин ыытарга уопсайа 1,05 мөл. солк. көрүллүбүт – ипподрому тэхиньиичэскэй хааччыйыы, түһүлгэ туруоруута, ат сүүрдүүтүн тэрийии уонна кыайыылаахтары наҕараадалааһын. Маны сэргэ көрүллүлүт үп иһинэн тыа хаһаайыстыбатын бэтэрээннэрин, билигин тыа хаһаайыстыбатын эйгэтигэр үлэлии сылдьар төһүү үлэһиттэри, фермердэри чиэстиир бырааһынньыктааҕы банкет, култуурунай-аралдьытар тэрээһин былааннаммыт.
Бэлиэтээн эттэххэ, Иннокентий Свинобоев (Тыыннаахап) аатынан Үс Хатыҥ ипподромугар ат сүүрдүүтэ Туймаада ыһыаҕын маҥнайгы күнүгэр бэс ыйын 24 күнүгэр буолар, диэн Туймаада ыһыаҕын тэрийэр кэмитиэн иһитиннэрэр.
Сонуннар
Ордук ааҕаллар
