СӨ бырабыыталыстыбата Кытай киинэхампаанньатын кытта сөбүлэҥи түһэристэ
Пекиннээҕи киинэхампаанньа киинэ павильонын оҥорорго көмөлөһүөҕэ, ол курдук эбийиэк Арассыыйа бэрэсидьиэнин сорудаҕынан Дьокуускайга 2026 сылга тутуллара былааннанар.
Сөбүлэҥҥэ Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Анатолий Семенов уонна Shang Bao норуоттар икки ардыларынааҕы киинэхампаанньа бырабылыанньатын бэрэссэдээтэлэ Ли Баохуа илии баттаатылар. Өрүттэр Саха сиригэр элбэх хайысхалаах павильоны оҥорор, кыттыгас киинэлэри устар, киинэ индустриятын бэрэстэбиитэллэрин стажировкалыыр, норуоттар икки ардыларынааҕы бэстибээллэргэ, куонкурустарга кыттар, национальнай киинэлэри атастаһар туһунан дуогабардыстылар.
«Өрөспүүбүлүкэҕэ креативнай экономиканы, ол иһигэр киинэ индустриятын уонна анимацияны көхтөөхтүк сайыннарабыт. Сөбүлэҥ түһэрсиллибитэ кинематографпытыгар саҥа саҕахтары арыйар, итиэннэ элбэх аудиториялаах азиатскай ырыынакка тахсар кыаҕы биэрэр», - диэн бэлиэтээтэ Анатолий Семёнов.
Быйыл саха киинэтэ, тохсунньу 1 күнүттэн, 80 мөлүйүөн солкуобайы киллэрдэ, киинэлэри 250 тыһыынчаттан тахса киһи көрдө. Балаҕан ыйын бүтүүтэ тахсыбыт «Лоокуут уонна Ньургуһун» киинэ 19,8 мөлүйүөн солкуобайы хомуйда, киинэни 63,7 киһи көрдө, кэрэхсээтэ.
Сонуннар
Ордук ааҕаллар
