18.10.2021 | 10:00

Үрдүкү кылаас үөрэнээччилэрэ алтынньы 18 күнүттэн очнай көрүҥүнэн үөрэнэллэр

Ааптар: Киин Куорат
Бөлөххө киир

«Дьокуускай куорат» куораттааҕы уокурук санитарнай-эпидемиологическэй хамыыһыйатын быһаарыытынан, киин куорат  9, 10, 11 (12) кылааһын үөрэнээччилэрэ алтынньы 18 күнүттэн бары санитарнай ирдэбиллэри тутуһан очнай көрүҥүнэн үөрэхтэрэ саҕаланар. 5-8 кылаас үөрэнээччилэригэр дистанционнай көрүҥүнэн алтынньы 22 күнүгэр диэри  үөрэнэллэр. Алын кылаастарга очнай үөрэх салҕанар. Бу туһунан Уокуруктааҕы дьаһалта пресс-сулууспата иһитиннэрдэ. 
СӨ Роспотребнадзорун Управлениетын санитарнай кэтээн көрүүгэ уонна лицензиялааһыҥҥа салаатын начаалынньыгын эбээһинэһин толорооччу Георгий Игнатьев информациятынан,  өрөспүүбүлүкэҕэ, ол иһигэр Дьокуускайга ОРВИ-нан сибээстээх быһыы-майгы уустук. 
«Бүтэһик дааннайдарынан Дьокуускай куоракка 5 тыһыынча 265 ОРВИ-нан ыалдьыбыт киһи регистрацияламмыт. Итинэн сибээстээн, үөрэҕирии тэрилтэлэригэр хааччахтыыр миэрэлэртэн түһүмэҕинэн тахсарга сүбэлиибит. Ол курдук, 5-8 кылаастарга үөрэх дистанционнай көрүҥүн хаалларарга,  9, 10, 11 (12) кылаас үөрэнээччилэригэр очнай көрүҥү төннөрөрү этэбит», – диэн бэлиэтээтэ   Георгий Игнатьев.
Куруһуоктарга, секцияларга, эбии дьарыктарга, тэрээһиннэргэ хааччахтааһын оннунан хаалар. Санитарнай эрэсиими тутуһууну хонтуруоллааһыҥҥа Дьокуускай куорат Административнай хамыыһыйатын үлэтэ күүһүрэр.  Очнай көрүҥүнэн үөрэнэр алын кылаас үөрэнээччилэрин ортотугар ыарыыны кэтээн көрүү хонтуруола салҕанар. 
«Итини таһынан, грипптэн уонна ОРВИ-ттан быһыыны оҥоруу тэтимин күүһүрдэр ирдэнэр», – диэтэ Георгий Игнатьев.          
Үөрэҕирии Управлениетын начаалынньыга Алексей Семенов бэлиэтээбитинэн, оскуолаларга дезинфекциялыыр сириэстибэлэринэн генеральнай убуоркалар, төрөппүттэри кытта профилактическай тэрээһиннэр ыытыллыахтара. Үрдүкү кылаастар очнай үөрэхтэрэ саҕаламмытынан оскуола иһигэр киириигэ температураны кээмэйдээһин, мааскалаах эрэсиим, уруок кэмигэр уонна быыһыгар үөрэнээччилэри арааран үөрэтии тутуһуллар. 
Алтынньы 16-22 күннэригэр Дьокуускай куорат территориятыгар 1-11 кылаастар үөрэнээччилэрэ кыттыылаах култуурунай, спортивнай уонна да атын маассабай тэрээһиннэр ыытыллыбаттар. 
Алтынньы 18 күнүттэн 9, 10, 11 (12) кылаас үөрэнээччилэригэр уопсастыбаннай тырааныспарга каарта үлэтэ сөргүтүллэр.

Сонуннар

Ордук ааҕаллар

Олох салҕанар...
Сонуннар | 21.03.2025 | 16:00
Олох салҕанар...
Бу тула суруйуохпун баҕарбытым ыраатта. Хайдах эрэ уустук,  суруйарга ыарахан тиэмэ. Билигин олохпут чэпчэкитэ суох, анал байыаннай дьайыы салҕанан бара турар, сүтүк элбэх, хас биирдии дьиэ кэргэни, ыалы таарыйан айманыы, кэтэһии, эрэнии тохтообот.   Элбэх статуһу көрөбүн, элбэх киһини кытта алтыһабын. СВО саҕаланыаҕыттан бу тиэмэҕэ суруйар буолан, онно сыһыаннаах үгүс киһини...
Артемий Афанасьев: «Оччолорго сампаан үс арааһа атыыланара»
Дьон | 20.03.2025 | 10:00
Артемий Афанасьев: «Оччолорго сампаан үс арааһа атыыланара»
Бүгүҥҥү ыалдьытым – Реас Кулаковскайга үөрэммит, Саха сиригэр бастакынан «Оскуола-производство-үрдүк үөрэх» бачыымы тэрийсибит, хоту дойдуга аһаҕас халлаан анныгар бассейн оҥотторбут, бороболуохата суох төлөпүөн сибээһин олохтоспут, Совмиҥҥа киирэн «уотунан барар подвесной тимир суол» бырайыагын көрдөрөн, «улуу фантазер эбиккин» дэттэрбит – Артемий Викторович Афанасьев.   Ыалдьыппар тылы биэриэх иннинэ, ааҕааччыларбар кини туһунан кылгастык...
Дойдубут туһугар
Дьон | 15.03.2025 | 12:00
Дойдубут туһугар
Ийэлэр оҕолорун, кэргэттэрин туһунан кэпсиэхтэрин, санааларын этэн чэпчиэхтэрин баҕаралларын биһиги хаһан баҕарар ылынан, истэн, ааҕааччыларга тиэрдэбит. Бүгүн кэпсэппит ийэм Елена Егоровна Бережнова – кэргэнин уонна уолун анал байыаннай дьайыыга атаарбыт, биэс оҕолоох бэйэтэ туһунан дьоруой.   – Елена Егоровна, үтүө күнүнэн! Байыас ийэтэ уонна кэргэнэ буолар хайдаҕый? – Биллэн турар, олус...
Кыайыы Знамята Хатас нэһилиэгин устун айанныыр
Сонуннар | 14.03.2025 | 12:22
Кыайыы Знамята Хатас нэһилиэгин устун айанныыр
Сүгүрүйүөхпүт сүүс да сыл буолан баран Үтүөкэн дьоннорбут ааттарын чиэһигэр...   Улуу Кыайыы солбуллубат бэлиэтэ буолбут Кыайыы Знамята нэһилиэкпит устун айанныыр. Бу тэрээһин Е.П. Пермяков салайааччылаах Хатас нэһилиэгин дьаһалтата уонна В.А. Чепалов дириэктэрдээх Хатастааҕы “Тускул” КК көҕүлээһининэн ыытыллар.   Знамяны Улуу Кыайыы 70 сылыгар төлөннөөх хомсомуол сааһыттан дойду туһа диэн үлэлээбит-хамсаабыт Василий...