Пууну кэҥэтии үлэтин – ураты хонтуруолга

Бэнидиэнньик аайы ыытыллар үгэс буолбут уопсай мунньахха Дьокуускай куорат баһылыга Евгений Григорьев Очиченко, 57 аадырыска турар Көрүүтэ-истиитэ суох кыыллары быстах кэмҥэ тутар пууну кэҥэтэр үлэни ураты хонтуруолга ыларга соруйда. Бу туһунан олохтоох дьаһалта пресс-сулууспата иһитиннэрдэ.

“Мин Автодорожнай уулуссаҕа турар быстах кэмҥэ тэриллибит пууну икки ыйынан сабыахпыт диэн дьоҥҥо эрэннэрбитим. Онон бу болдьоҕунан сирдэтинэргитигэр ыҥырабын”, – диэтэ куорат баһылыга.

Маны сэргэ, Евгений Николаевич ОСВВ (тутуу-стерилизация-вакцинация-төннөрүү) процедуратын оҥорорго, ыттары олохторун тухары иитэргэ уонна приют тутуутугар өрөспүүбүлүкэ бүддьүөтүттэн субвенция үбүлээһинин түргэтэтэргэ соруйда.

“Ааспыт нэдиэлэҕэ куорат олохтоохторуттан ыттары тутарга сайаапка киирэрэ аҕыйаата. Дойду араас регионнарыттан “кыыллары көмүскээччилэр” үҥсүүлэрэ аҕыйаата. Ол эрээри тэтиммитин ыһыктарбыт табыллыбат, сотору саас кэлиэ, “ыттар сыбаайбалара” саҕаланыа. Онон ыттары тутар үлэни маннык эрэсииминэн, билиҥҥи сокуону тутуһан, салҕааҥ”, – диэн ыҥырда Евгений Григорьев.