19.05.2023 | 17:00

«Пушкин каартатын» ыччат тоҕо туһаммат?

«Пушкин каартатын» ыччат тоҕо туһаммат?
Ааптар: Киин Куорат
Бөлөххө киир

Куоракка буолар үгүс тэрээһиннэр биллэриилэрин анныгар “Пушкин каартатынан сылдьыахха сөп” диэн эбии суругу бэлиэтии көрөр буолбуппут ыраатта. Бу виртуальнай эбэтэр пластик “Мир” каарта 14 сааһыттан 22 сааһыгар диэри ыччакка босхо бэриллэр.

Пушкин каартатынан ыччат музейдарга, кэнсиэртэргэ, быыстапкаларга, оннооҕор киинэҕэ сылдьыан сөп. Сылга 5000 солк. көрүллэр. Бэлиэтээн эттэххэ, бэйэбит дойдубутугар уһуллубут киинэлэргэ эрэ киириэххэ сөп.

“Пушкин каартатын” ыларга “Госуслуги. Культура”  сыһыарыыны хачайдаан виртуальнай карта оҥостоҕут. Маныаха судаарыстыбаннай өҥөлөр порталларыгар учетнай записьтаах буолуохтааххыт.

Пластиковай “Пушкин каартатын” “Почта Банк” бары салааларыгар пааспардаах уонна СНИЛС-таах тиийэн оҥоттороҕут. Культура.рф саайтка тэрээһиннэри билсэ олоруохха сөп.

Өрөспүүбүлүкэбит үрдүнэн билигин “Пушкин каартатын” 24 тыһыынча кэриҥэ киһи туһана сылдьара бэлиэтэнэр. Дьиҥэ, ааҕан көрүүнэн, 110 тыһыынча киһи туттуон сөптөөх эбит. “Пушкин каартата” – судаарыстыба үп тыыран ыччаты кэрэ эйгэтигэр сыһыарар уонна култуура эйгэтин өйүүр өссө биир ньымата буоларын өйдөөн, туспутугар туһаныаҕыҥ!

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.