Промышленнай уокурук олохтоохторун босхо юридическай консультацияҕа ыҥыраллар

Босхо юридическай консультация ыытыллар сирэ: Дьокуускай куорат, Советскай Армия 50 сыла уулусса, 33, Промышленнай уокурук Управатын дьиэтэ. Тэрээһин сарсыарда 09-00 чаастан 14-00 чааска диэри ыытыллар. 

Юридическай консультацияларга маннык тэрилтэлэр юристара кытталлар:

- Олохтоох дьаһалта Эппиэкэҕэ уонна попечительствоҕа салаата;

- Куораты тутуу уонна тырааныспар инфраструктуратын департамена;

- «Сир сыһыаннаһыыларын агентствота» МХТ;

- «Куорат хаһаайыстыбатын үлэлэтэр сулууспа» МХТ;

- «Култуура уонна художественнай үөрэхтээһин агентствота» МБТ;

- «Гражданскай оборонаҕа, нэһилиэнньэни айылҕа уонна техногеннай көрүҥнээх ыксаллаах быһыыттан-майгыттан көмүскүүр, баһаартан куттал суоһаабатын хааччыйар управление» МХТ;

- Олохтоох дьаһалта Үөрэҕириигэ управлениета;

- Куорат уокуругун Административнай хамыыһыйата;

- «Горсвет» МУТ;

- «Дьиэ-уот сыһыаннаһыыларын департамена» МХТ.

- «Дьокуускай куораттааҕы Нэһилиэнньэ социальнай харалтатыгар уонна үлэҕэ управлениета» СХТ;

- СӨ киһи быраабыгар боломуочуйалааҕа;

- Дьокуускай куорат Прокуратурата;

- «Юристар ассоциациялара» Бүтүн Арассыыйатааҕы уопсастыбаннай тэрилтэ регионнааҕы салаата;

- РФ Пенсионнай пуондатын Дьокуускай куораттааҕы управлениета.

Атын уокуруктарга уонна куорат кытыытыгар босхо юридическай көмө ыытыллар күннэрин Олохтоох дьаһалта 2022 сыл кулун тутар 14 күнүгэр таһаарбыт 420р №-дээх «Об оказании бесплатной юридической помощи населению городского округа «город Якутск» дьаһалыгар yakutskcity.ru электроннай аадырыһынан официальнай сайтка киирэн ааҕыахха сөп.