11.07.2020 | 11:59

«Прометей» – куорат бастыҥ түөлбэтэ

«Прометей» – куорат бастыҥ түөлбэтэ
Ааптар: Киин Куорат
Бөлөххө киир

Дьокуускай куорат Автодорожнай уокуругар баар «Прометей» түөлбэ (микрооройуон) киин куораппыт саамай кэрэ, тупсаҕай көстүүлээх сирэ буолар.

Куорат бастыҥ микрооройуона диэтэхпинэ, бука, сыыспатым буолуо. Дьиэлэр тас көстүүлэрин бырайыага табыллыбыт. Сорох дьон этэринэн, киин куоракка суох  “бастыҥ олорор дьиэ комплекса” диэн сыана быһаллар. Олохтоохтор түөлбэни хааччыйан олорор салайар хампаанньа үлэтиттэн астыналлар. Ол эрэн сорохтор массыынабытын туруорарга кыһалҕаны көрсөбүт, миэстэ былдьаһыга дииллэр.

“Хаһаайын хайдаҕа тэлгэһэтиттэн биллэр” дииллэринии, бу түөлбэҕэ киирдиҥ да, кэрэ көстүү хараххар тута быраҕыллар. Сайыҥҥы өттүгэр түөлбэ киин тэлгэһэтигэр дьэрэкээн өҥнөөх сибэкки эгэлгэтэ, мас арааһа олордуллар. Дьэ, манна тупсаҕайдык тутуллубут кииннэммит олорор дьиэ (жилой комплекс “Прометей”), ол эбэтэр 9, 12, 14, 15, 16 этээстээх таас дьиэлэр дьэндэһэн, чахчы да, манна инникилээх тутуу ыытылла турара көстөр. 9 этээстээх таас дьиэҕэ 846 массыына батар ичигэс автостоянка, насоснай станция, 2х500м3 баһаарынай резервуар “Прометей” түөлбэ саамай наадалаах эбийиэктэрэ буолаллар.  Социальнай тутуулартан оҕо уһуйаана, почта баар. Сотору кэминэн оскуола уонна поликлиника тутуута былааннанар. Маҕаһыыннар, өҥөнү оҥорор салоннар үлэлииллэр.

    Былырыын сайын бэс ыйын 1-кы күнүгэр, Оҕо көмүскэлин бырааһынньыгар анаан “Музыкальнай фонтан” аһыллан, куорат олохтоохторо саамай кэрэхсиир сирдэригэр кубулуйда. Ону сорохтор “ыллыыр фонтан” диэн тупсаран ааттыыллар. Дьэрэкээн уотунан күлүмүрдүү оонньуур фонтан кэрэ көстүүтүн көрөөрү, манна куорат араас муннуктарыттан  дьон-сэргэ тоҕуоруһа мустар. Ордук тыа сириттэн кэлбит ыалдьыттар манна сөбүлээн сылдьаллар. Оҕо балаһаакката хас да сиргэ баар. Билигин харантыынынан сибээстээн, оҕо чугдаарар саҥата иһиллибэт. Аныгылыы комплекс тутуллан, бу түөлбэҕэ тыаттан куоракка дьиэ атыылаһан көһөн киирээччи элбэх. Аны туран, бу саас “Ретро музей” үлэҕэ киирэн, куорат олохтоохторун биһирэбилин ылбыта.  

 Куорат дьаһалтатын хааһынатыттан Автодорожнай уокурукка көҕөрдүү уонна  тупсарыы үлэтигэр 1344084,00 үп көрүллүбүт. Онон уокурук үрдүнэн 54923 сибэкки арааһа олордулунна. Аны күһүн көҕөрдүүгэ анаан  311 устуука мас арааһын олордуу былааннанар. Быйыл “Прометей” түөлбэҕэ 21 тыһыынча сибэкки арааһа олордуллубут.

Кэрэ, дьикти көстүү

Мария Семенова, улуустан кэлэ сылдьар ыалдьыт:

- Сайыҥҥы уоппускабар ыраах хоту улуустан, Абыйтан куоракка оҕолорбор күүлэйдии кэлэ сылдьабын. Кинилэр бу түөлбэҕэ дьиэ атыылаһан олороллор. Үксэ тыаттан киирбит дьон олохсуйаллар эбит. Наһаа кыраһыабай түөлбэ диэн сөҕөн сылдьабын. Көҕөрдүүгэ улахан болҕомто ууруллубут. Кыайыы сылыгар анаан “75” диэн сибэккинэн дьикти клумбаны оҥорбуттарын, киэһэ аайы тахсаммын сэҥээрэ көрөбүн. “Музыкальнай фонтан” туһунан этэргэ тыл тиийбэт. Кэрэ, дьикти көстүү... Киһи манна дууһалыын сынньанар сирэ эбит. Киэһэ хараҥарыыта “ыллыыр фонтаны” көрөөрү дьон-сэргэ элбиир.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...