05.04.2023 | 10:20

«Пригородный» ТОС граҥҥа кыттар былааннаах

«Пригородный» ТОС граҥҥа кыттар былааннаах
Ааптар: Киин Куорат
Бөлөххө киир

ТОС – уопсастыбаннас салайар территорията. 2022 сыллаахха Пригороднай сэлиэнньэтигэр олохтоохтор көҕүлээһиннэринэн ТОС тэриллибитэ. 
Сүрүн соруктара олорор сирдэрин тупсарыы уонна тиийиммэт-түгэммэт ыалларыгар көмөнү оҥоруу этэ. Бу саҕалааһын төрдүгэр турбут Христина Татарченко уонна Владислав Киренскэй салгыы бөһүөлэк иһинэн үлэлиир «МиР» (Молодежь и развитие) волонтерскай дружина тэрийэн, Аҕа дойду Улуу сэриитин бэтэрээннэригэр, инбэлииттэргэ, соҕотох олорор кырдьаҕастарга, олох очуругар оҕустарбыт ыалларга уонна анал байыаннай дьайыыга ыҥырыллыбыттар дьиэ кэргэттэригэр көмө оҥорон эрэллэр .
Ол курдук, «Пригородный» ТОС бэрэссэдээтэлэ Христина Татарченко кэпсииринэн, үлэлэрин былаанын, сыалларын-соруктарын  бөһүөлэк дьаһалтатын кытта оҥостубуттар, кимиэхэ көмө наадатын испииһэктээбиттэр. Бу күһүҥҥүттэн саҕалаан дружина хас да ыалга көмө оҥорбут – бастакы группалаах инбэлиит дьиэтин сарайын өрөмүөннээбиттэр, бөһүөлэктэн анал байыаннай дьайыыга ыҥырыллыбыттар дьиэ кэргэттэригэр иһэр муустарын, оттук мастарын тиэйэн киллэрбиттэр. 
Активистар билигин СӨ ИЛ Дарханын граныгар ситиһиилээхтик кыттан, өссө элбэх уонна хаачыстыбалаах көмөнү, өйөбүлү оҥорор былааннаахтар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.