01.08.2020 | 13:03

Предпринимателлэргэ дьаҥ кэмигэр көрүллэр көмө

Предпринимателлэргэ дьаҥ кэмигэр көрүллэр көмө
Ааптар: Киин Куорат
Бөлөххө киир

Предпринимателлэр коронавирус дьаҥын сэрэтиигэ уонна дезинфекцияҕа босхо көрүллэр субсидияҕа тиксиэхтэрин сөп буолла.

 Субсидияны ылыыга бу сыл атырдьах ыйын 15 күнүгэр диэри сайабылыанньаҕытын нолуок уорганыгар ыытыаххытын сөп эбэтэр почтанан, Арассыыйа Федеральнай нолуокка сулууспатын саайтын нөҥүө, нолуогу төлөөччү тус кабинетынан ыытар табыгастаах.

Субсидияны эбии үөрэхтээһин эйгэтигэр, ону тэҥэ гостиницалар биир кэлим реестрдэригэр киллэриллибит дьоҕус уонна орто предпринимательствонан дьарыктанар коммерческайа суох тэрилтэлэр ылыахтарын сөп. Маны таһынан маннык эйгэлэр хабылыннылар:

  • спорт эйгэтэ;
  •  гостиница хаһаайыстыбата;
  •  уопсастыбаннай аһылык;
  • бытовой өҥө;
  • эбии үөрэхтээһин.

Сайабылыанньаҕытыгар субсидия харчыта түһүөхтээх счетун хайаан да ыйыахтааххыт.

Сайабылыанньа көрүллэр болдьоҕо – 3 үлэ күнэ.

Барыта сөп буоллаҕына, Арассыыйа ФНС субсидияны ааҕыаҕа, оттон Федеральнай казначейство төлөбүрү оҥорор.

ФНС үлэһит ахсаанын РФ Биэнсийэҕэ пуондатыгар түһэрбит отчуоттарынан бэрэбиэркэлиир.

Субсидия кээмэйэ маннык суоттанар:

  • хампаанньалар 15 тыһ. солкуобай быһыллыбыт төлөбүрү ылыахтара, ону тэҥэ хас биирдии үлэһиккэ 6,5 тыһыынча солкуобайы;
  •  биирдиилээн предпринимателлэр хас биирдии үлэһиттэригэр 6,5 тыһ. солкуобайы ылыахтара уонна 15 тыһ. солкуобайы ИП-га бэйэтигэр;
  • үлэһитэ суох биирдиилээн ИП-лар тус бэйэлэрэ 15 тыһ. солкуобайы ылыахтара.

Роспотребнадзор ирдэбиллэригэр тирэҕирэн,  уопсастыбаннай аһылык, гостиница уонна спорт тэрилтэлэрэ эрэгийиэн баһылыгын быһаарыытыгар олоҕуран, хааччахтааһыны устуу үһүс түһүмэҕэр үлэлэрин сөргүтүөхтэрин сөп. Маныаха киирбит дьону уонна персонал температуратын мээрэйдээһин ирдэнэр. Ону тэҥэ, социальнай  тэйиччи буолуу быраабылаларын тутуһуу;   антисептиктэринэн хааччыйыы;   үлэһиттэр мааска, бэрчээкки кэтэллэрэ, онтуларын 3 чааска биирдэ уларыталлара ирдэнэр.

Сонуннар

Ордук ааҕаллар

Үгэскэ киирбит “Байанай күрэҕэ-2023”
Сонуннар | 18.03.2023 | 20:12
Үгэскэ киирбит “Байанай күрэҕэ-2023”
Төрүт өбүгэбит удьуорун төрдүн ытык ситимин тутаммыт, сардаҥалаах сырдык санаанан салайтаран, өбүгэлэрбит өйүө гынан хаалларбыт үтүөкэн үгэстэрин инники күөҥҥэ тутан, кыһарҕаннаах олохтоох кырыа кыһын кыйданыыта Хатаспытыгар 9-с төгүлүн “Байанай күрэҕин” ыыттыбыт.
Бэйэҕиттэн эрэ тутулуктаах
Сынньалаңңа | 17.03.2023 | 21:00
Бэйэҕиттэн эрэ тутулуктаах
Балаҕан ыйын ортото. Үөрэх маҥнайгы нэдиэлэтэ. Алтыс кылаас үөрэнээччитэ Айыына соччо баҕата суох аа-дьуо кылааһын диэки баран истэ. Сайыҥҥы сынньалаҥтан ситэ тэйэ илик оҕолор сүүрүү-көтүү, мэниктээһин кытаанаҕа.
Каролина Парфенова:  Чопчу Мандары оҥорор сыал суох этэ
Дьон | 18.03.2023 | 14:00
Каролина Парфенова: Чопчу Мандары оҥорор сыал суох этэ
Өрөспүүбүлүкэҕэ биир бастакынан сахалыы куукула оҥоруутунан дьарыктаммыт туспа суоллаах-иистээх ​Каролина Парфенова куукула нөҥүө бэйэм омугум дьүһүнүн, омук быһыытынан таҥаһын-сабын уратытын көрдөрөбүн диэн санаалаах.
Ый сырдыгар ыллык
Сынньалаңңа | 18.03.2023 | 21:00
Ый сырдыгар ыллык
Толору ый тулалыыр айылҕаны барытын алыптаах дьикти сырдыгынан толорор, туох эрэ ыраас, нарын иэйиинэн угуттуур. Биэс-алта саастаах уоллаах кыыс күп-күөх окко сытан, сулустары одуулаһаллар.