Педагогтар уонна медиктэр ипотекалара

17.06.2022 с. РФ Бырабыыталыстыбатын 1100 нүөмэрдээх уурааҕар олоҕуран, Уһук Илин ипотеката кэҥээбитэ - медиктэргэ уонна педагогтарга тарҕанар буолбута:

- Педагог дуоһунаһыгар үлэлии сылдьар, 5 сылтан кырата суох ыстаастаах, идэтинэн судаарыстыбаннай уонна  муниципальнай тэрилтэҕэ Уһук Илин территориятыгар үлэлиир буоллаҕына ылар кыахтаах.

- 5 сылтан итэҕэһэ суох судаарыстыбаннай эбэтэр муниципальнай медицинэ тэрилтэтигэр Уһук Илин территориятыгар үлэлиир киһи ылыан сөп.

*Социальнай суолталаах идэлэри өйөөһүн буоларынан, сааһынан хааччаҕа суох, дьиэ кэргэннээх буолара ирдэммэт. 

*Уураахха медицинэ тэрилтэтин үлэһитэ диэн суруллар - хайаан да медик идэлээх буолара ирдэммэт.

*Оттон оскуола үлэһитэ хайаан да педагог эрэ буолара ирдэнэр.

*Чааһынай тэрилтэ үлэһиттэрэ хапсыбаттар. 

*5 сыл ыстаас ирдэнэр - Уһук Илин территориятыгар үлэлээбит буолуохтаах.

Уһук Илин ипотеката:

- 2% диэри ставкалаах (Сберга, холобур, билигин 1,5%)

- Кирэдьиит суумата - 6 мөл. солк.

- Куоракка саҥа дьиэни юридическэй сирэйтэн эбэтэр сир атыылаһан дьиэ туттуохха сөп. 

- Тыа сиригэр эргэ дьиэни атыылаһыы көҥүллэнэр.

- Уһук Илин ипотеката киһиэхэ биирдэ бэриллэр.

- Урут ылыллыбыт кирэдьииттэргэ рефинансирование оҥоһуллубат.