Паром кэлэрин-барарын онлайн көрүөххэ сөп

Айанньыттарга олус туһалаах сыһыарыыны Өрөспүүбүлүкэтээҕи инфокоммуникационнай технологиялар киинэ оҥорон таһаарда. Билигин паром икки хайысхатын онлайн эрэсииминэн кэтээн көрүөххэ сөп: Дьокуускай-Аллараа Бэстээх уонна Хачыкаат-Мохсоҕоллоох.

Сезон устата өрөспүүбүлүкэ атын өрүстэрин туоруур сирдэрэ      сыһыарыыга холбонуохтара диэн СӨ Инновацияҕа, цифровой сайдыыга уонна инфокоммуникационнай технологияларга министиэристибэтэ иһитиннэрэр.

Маны таһынан, Өрөспүүбүлүкэтээҕи инфокоммуникационнай технологиялар киинэ «Ростелеком» публичнай акционернай уопсастыбаны кытта Дьокуускай-Аллараа Бэстээх хайысханан паром сылдьар сиригэр видеонан кэтээн көрүүнү тэрийдэ. Киин куорат өттүттэн «Даркылаах» паром тохтуур сиригэр 8 камера туруорулунна. Ону мобильнай сыһыарыыга уонна https://paromonline.sakha.gov.ru/ сайтка көрүөххэ сөп.