10.07.2021 | 19:00

Ойуун куттаабыт

Ойуун куттаабыт
Ааптар: Киин Куорат
Бөлөххө киир

Биир дойдулааҕым эдэр сылдьан дьикти түбэлтэҕэ түбэһэн турардаах эбит. Аатын Андрей диэҕиҥ. Кини бэйэтэ дэриэбинэҕэ төрөөбүт, оҕо сааһа онно ааспыт. Ол саҕана ойуун дьиэтэ диэн ааттаах биир быраҕыллыбыт дьиэ баар үһү. Ким да олорботоҕо ыраатан, түннүгэ-үөлэһэ суох иччитэх харааран турбут. Биирдэ Андрей маҕаһыынтан кэлэн иһэн ол дьиэ аттынан ааспыт. Тоҕотун бэйэтэ да билбэт, дьээбэлэниэх санаам киирбитэ буолуо диир. Сиртэн хаппыт буору ылан түннүк диэки бырахпыт. Куттаммата да бэрт, өссө онно сөп буолбакка иһирдьэ киирэргэ санаммыт. Дьиэ иһэ кубус-кураанах, быыл, кир-хох эбит. Онно тугу да көрбөтөх-истибэтэх, куттамматах. 
Киэһэ, өрүү буоларын курдук, бэйэтин дьиэтин  тиэргэнин иһигэр оҕолору мунньан саһыалаһан оонньуу сылдьыбыт. Эбэтэ сибиинньэлэргэ ас буһарар хочуоҥкатыгар саһаары сүүрэн тиийбит. Ааны аһа баттаан сүүрэн киирбитэ арай хара таҥастаах киһи көхсүнэн хайыһан холбуйуллубут үүтү ытыһынан баһан иһэ турар үһү. Уол диэки эргиллибитэ сирэйигэр уп-уһун баттахтара саба түһэ сылдьар, кимэ да көстүбэт эбит. Тахсан иһэн үүттээх илиитинэн уол төбөтүн имэрийэн ааспыт. Куттанан, уолчаан дьэ өйдөнөн кэлбитэ, олох да хочуоҥкаҕа киирбэккэ аан иннигэр турар, баттаҕар аһыйбыт үүт хатан эрэр эбит. Түүл диэҕи ийэтэ киэһэ төбөтө тоҕо итинник сыттааҕын ыйыппыт. Ити курдук кырдьаҕас куттаан турардааҕын, билигин даҕаны кырата сылга биирдэ ити түгэн түүлүгэр киирэрин Андрей кэпсиир.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...