11.10.2022 | 16:00

Оттооһун былаана 88 % туолла

Алтынньы 10 күнүгэр Ил Дархан Айсен Николаев сүөһү аһылыгын быйылгы хампаанньатын түмүктэригэр анаммыт мунньаҕы ыытта диэн иһитиннэрдэ Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата.
Оттооһун былаана 88 % туолла
Ааптар: Киин Куорат
Бөлөххө киир

Ил Дархан сүөһү аһылыгын бэлэмнээһин уустук усулуобуйаҕа ааспытын бэлиэтээтэ. Сайын саҕаланыыта илин эҥэр улуустарыгар кураан сатыылаабыта, Кэбээйи уонна Дьааҥы улуустарын сирин халаан уута ылбыта, регион баһыйар өттүгэр уһун ардахтаах күн-дьыл турбута. 

«Уустуктар баалларын үрдүнэн сүөһү аһылыгын бэлэмнээһиҥҥэ үлэлээбит тыа хаһаайыстыбатын үлэһиттэригэр махталбын тиэрдэбин. Өрөспүүбүлүкэ үгүс оройуоннарыгар оттооһун былаана туолла. Сүрүннээн былырыыҥҥы көрдөрүүлэргэ тэҥнэстибит”, - диэн бэлиэтээтэ Айсен Николаев.

Тыа хаһаайыстыбатын миниистирин бастакы солбуйааччы Петр Попов оту бэлэмнээһин хампаанньатын түмүгүн билиһиннэрдэ. Алтынньы 9 күнүнээҕи туругунан, өрөспүүбүлүкэҕэ 390476 тонна от бэлэмнэннэ, ити былаан 88 %-гар тэҥнэһэр. 27860 т сиилэс (92%) уонна 14176 тонна сенаж бэлэмнэннэ (109 %). Бүгүҥҥү күҥҥэ сүөһү аһылыгын бэлэмнээһин хампаанньата түмүктэнэн эрэрэ бэлиэтэннэ. Өрөспүүбүлүкэ биэс улууһугар – Дьааҥыга, Кэбээйигэ, Ленскэйгэ, Өлүөхүмэҕэ уонна Чурапчыга оту бэлэмнээһиҥҥэ мобильнай биригээдэлэр ыраах учаастактарга үлэлэрин салгыыллар.

Мунньахха видеосибээс нөҥүө Кэбээйи, Дьааҥы, Бүлүү, Чурапчы улуустарын салайааччылара кытыннылар. Манна даҕатан эттэххэ, Ил Дархан ордук эмсэҕэлээбит 8 оройуоҥҥа 5 тыһыынча тоннаттан тахса концентрированнай аһылыгы уонна 1600 тонна оту тиэйэргэ уонна 2023 сылга өрөспүүбүлүкэ бүддьүөтүгэр сүөһү уонна сылгы этэҥҥэ кыстыыр үбүн көрөргө сорудахтаабыта.

Мунньах түмүгүнэн Айсен Николаев өрөспүүбүлүкэ бырабыыталыстыбатыгар эмсэҕэлээбит оройуоннарга сүөһү уонна сылгы төбөтүн аччаппат туһугар суһаллык кэккэ миэрэлэри ылынарыгар сорудахтаата.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.