20.04.2023 | 08:00

Оскуолалар өрөмүөннэрэ — кытаанах хонтуруолга

Ааспыт нэдиэлэҕэ баһылык Евгений Григорьев быйыл үлэҕэ киириэхтээх үс муниципальнай оскуола хапытаалынай өрөмүөнүн хаамыытын кытта билсэр көһө сылдьар мунньаҕы ыытта – 5, 29 №№-дээх оскуолалар уонна Саха гимназията.
Оскуолалар өрөмүөннэрэ — кытаанах хонтуруолга
Ааптар: Киин Куорат
Бөлөххө киир

Мунньахха куорат борокуруора Антон Николенко, куорат баһылыгын солбуйааччы Антон Алексеенко, Үөрэх управлениетын начаалынньыга Мария Петрова, «Главстрой» МКУ дириэктэрэ Алексей Варламов, «Оптима-строй», «Вертикаль», «Монтажник» бэдэрээттээх тэрилтэлэр бэрэстэбиитэллэрэ, үөрэх кыһаларын салалталара итиэннэ төрөппүттэр кыттыыны ыллылар.
«Главстрой» МКУ салайааччыта Алексей Варламов санаппытынан, 29 №-дээх оскуола хапытаалынай өрөмүөнэ муус устар 4 күнүттэн саҕаламмыта. Бүгүҥҥү күҥҥэ оскуола 1 – 8 уонна 10 кылаастарын үөрэнээччилэрэ  дистанционнай көрүҥүнэн үөрэнэллэр, эксээмэннээх 9 уонна 11 кылаастар 27 №-дээх оскуолаҕа үөрэхтэрин салҕыыллар.


Саха гимназиятын өрөмүөнэ муус устар 3 күнүттэн саҕаламмыта. Үлэ тэтимнээхтик барар, тутуу матырыйаалын атын куораттартан тиэйтэриигэ харгыс суох. Гимназия хапытаалынай өрөмүөнүгэр ититэр систиэмэни саҥардыы, спорт саалатын вентиляциятын өрөмүөнэ о.д.а. үлэлэр киирсэллэр.
5 №-дээх оскуолаҕа үлэ муус устар саҥатыттан саҕаламмыта. Былааҥҥа тутуу  сарайын, истиэнэтин бүрүөһүнүн саҥардыы, фундамент өрөмүөнэ, муоста уларытыыта, стеклопакет туруоруу о.д.а. киирсэр.
Бэлиэтээн эттэххэ, үөрэх тэрилтэлэрин өрөмүөнүгэр төрөппүттэр этиилэрэ уонна баҕа санаалара учуоттанар.
Куорат борокуруора Антон Николенко бэдэрээттээх тэрилтэлэри оскуола өрөмүөнүгэр эппиэтинэстээхтик сыһыаннаһарга уонна үлэ хаачыстыбатын үрдэтэргэ ыҥырда.
Баһылык Евгений Григорьев бэлиэтээбитинэн, тутуу матырыйаала барыта сакаастанан, сорҕото номнуо кэлбит. Онон бу үс оскуола өрөмүөнэ былаан быһыытынан атырдьах ыйын саҥатыгар бүтүөн сөп. Бэлиэтээн эттэххэ, дойду бэрэсидьиэнин уонна «Биир ньыгыл Арассыыйа» партия өйөбүллэринэн ыытыллар үөрэх кыһаларын өрөмүөннүүр федеральнай бырагырааманан быйыл Дьокуускай куоракка уопсайа 13 оскуолаҕа хапытаалынай өрөмүөн ыытыллар. Маннык тэтиминэн үлэлээтэххэ, 2024 уонна 2025 сылларга куорат оскуолаларын бүтүннүү өрөмүөннүөхпүт, диэн баһылык Евгений Григорьев түмүктээтэ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.