22.03.2023 | 16:00

Оскуолалар хапытаалынай өрөмүөннэрэ саҕаланна

Оскуолалар хапытаалынай өрөмүөннэрэ саҕаланна
Ааптар: Киин Куорат
Бөлөххө киир

Дьокуускай куорат оскуолаларыгар салҕааһыннары тутуу тэтимнээхтик ыытыллар. 2023 сылга ханнык оскуолаларга салҕааһын тутулларын, ханнык оскуолалар хапытаалынай өрөмүөҥҥэ тиксибиттэрин, оттон ханныктарга өрөмүөн даҕаны, салҕааһын тутуута даҕаны тэҥинэн ыытыллар буолбутун баһылык Евгений Григорьев бу нэдиэлэҕэ «ВКонтакте» социальнай ситимҥэ ыыппыт быһа эпииригэр иһитиннэрдэ.

Ол курдук, бу күннэргэ куорат 26 №-дээх уонна Хатас орто оскуолаларын салҕааһыннарын тутуу тэтимнээхтик бара турарын эттэ. «Бу икки оскуоланы сэргэ Хатаска спорт саалата сыл бүтүөр диэри үлэҕэ киириэхтээхтэр. Хатаска тутуллар саҥа спорт саалата 55 % бэлэм», - диэтэ Евгений Григорьев.

Маны сэргэ киин куорат 29 №-дээх оскуолатын салҕааһыныгар болҕомто уурда. Ол курдук, бу оскуолаҕа 8000 кв/м иэннээх, ол эбэтэр оскуола бэйэтин иэниттэн икки бүк улахан тутуу былааннанарын бэлиэтээтэ. Санатар буоллахха, 1967 сыллааҕы эргэ тутуу өр сылларга хаарбах туруктааҕынан ааҕыллан, 2013 сылтан манна үөрэх ыытыллыбат. Сорох кылаастар куорат атын оскуолаларыгар үөрэнэллэр, 1998 сыллааҕы тутуу салҕааһыҥҥа сорох эрэ кылаастар дьарыктаналлар.

Евгений Григорьев маны сэргэ быйыл киин куорат 13 оскуолатыгар ыытыллар хапытаалынай өрөмүөҥҥэ тохтоото: 5, 7, 12, 13, 19, 24, 26, 29, 38 (икки здание) №№-дээх оскуолаларга, Дьокуускай куораттааҕы  национальнай гимназияҕа (ЯГНГ) уонна куорат таһынааҕы үс нэһилиэк оскуолаларыгар – Табаҕа, Хатас, Маҕан.

Бэлиэтээн эттэххэ, хапытаалынай өрөмүөн дойду бэрэсидьиэнэ  Владимир Путин көҕүлээһининэн ыытыллар, 2023 сылга бу сыалга 1 млрд солк. иэннээх үбүлээһин көрүллүбүт.

«Тутуу матырыйаалын атыылаһыы үлэтэ түмүктэннэ, 50 мөлүйүөн солкуобай курдук иэннээх сууманы кэмчилээтибит. Кэмчилэммит үбү өрөмүөн атын үлэтигэр туһаҕа таһаарыахпыт», - диэн эбэн эттэ Евгений Григорьев.

Манна даҕатан эттэххэ, 26 №-дээх уонна Хатас орто оскуолаларыгар хапытаалынай өрөмүөн уонна салҕааһыны тутуу тэҥинэн ыытыллаллар. Оттон 29 №-дээх оскуола сүрүн зданиета тутуллар, итиэннэ салҕааһыныгар өрөмүөн ыытыллар. Оттон өрөмүөн үлэтин кэмигэр үөрэх үгүс оскуолаларга дистанционнай көрүҥүнэн ыытыллаары турар.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.