04.04.2024 | 20:43

Оскуола үөрэнээччилэрин төрөппүттэригэр оҕо сайыҥҥы сынньалаҥын тэрийии туһунан кэпсээтилэр

Оскуола үөрэнээччилэрин төрөппүттэригэр оҕо сайыҥҥы сынньалаҥын тэрийии туһунан кэпсээтилэр
Ааптар: Киин Куорат
Бөлөххө киир

Дьокуускай куорат оскуолаларын үөрэнээччилэрин төрөппүттэрэ муус устар 3 күнүгэр «Биир ньыгыл Арассыыйа» паартыйа «Бигэ дьиэ кэргэн» бырайыагын регионнааҕы координатора Татьяна Егорова көҕүлээһининэн СӨ Дьарыктаах буолуу киинин управлениетын исписэлиистэрин кытта көрүстүлэр.
Көрсүһүүгэ Нэһилиэнньэ дьарыктаах буолуутун киинин салайааччыта Мария Слепцова, тэрилтэлэри кытта үлэҕэ исписэлиис Клара Чирикова, Дьокуускай куораттааҕы Үөрэх управлениетын иитиигэ уонна эбии үөрэхтээһиҥҥэ салаатын сүрүн исписэлииһэ Елена Семенова, «Сосновый бор» оҕо лааҕырын методиһа Вера Жерготова кыттыыны ыллылар. 
СӨ Нэһилиэнньэ дьарыктаах буолуутугар киинин бэрэстэбиитэллэрэ саастарын ситэ илик оҕолорго сайыҥҥы өттүгэр үлэ көрдүүргэ резюмены хайдах суруйарга үөрэттилэр, ханнык тэрилтэлэр оҕолору үлэҕэ ыларга бэлэмнэрин билиһиннэрдилэр.
Үөрэх управлениетын бэрэстэбиитэлэ Елена Семенова ханнык сайыҥҥы лааҕырдар үлэлииргэ бэлэмнэрин, төһө миэстэлээхтэрин, лааҕырга хайдах суруйтарары кэпсээтилэр. Анал байыаннай дьайыы кыттыылаахтарын уонна олох очуругар түбэспит дьиэ кэргэттэр  оҕолорун үлэҕэ ылыы боппуруостарыгар ураты болҕомто уурулунна. 
Вера Жерготова өрөспүүбүлүкэ үрдүнэн 500-тэн тахса оҕо сайыҥҥы лааҕыра үлэлээри турарын, онно ыам ыйыттан саха-отдых-детей.рф саайт нөҥүө суруйтарыы саҕаланарын билиһиннэрдэ, маны сэргэ бу саайтынан өрөспүүбүлүкэ тас өттүгэр лааҕырдарга эмиэ суруйтарар кыах баарын бэлиэтээтэ. 
Төрөппүттэр элбэх оҕолоох уонна приемнай дьиэ кэргэттэргэ лааҕыр төлөбүрүгэр чэпчэтиилэри, кешбэк бырагырааматын ыйыталастылар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Тустууга уларыйыылары күүтэллэр
Дьон | 30.03.2024 | 12:00
Тустууга уларыйыылары күүтэллэр
Хаһыаппыт бүгүҥҥү ыалдьыта – ССРС көҥүл тустууга аан дойду кылаастаах бүтэһик спорт маастара, Улуу Коркин сүмэлээх сүбэтин истибит, Таилиҥҥа тиийэ тренердээбит Михаил Протопопов. Михаил  Егорович «Киин куорат» хаһыат ааҕааччыларын кытта уһуйуллубут тренердэрин, көбүөргэ умнуллубат киирсиилэрин туһунан, тустууну сайыннарыыга тус көрүүлэрин үллэстэр.   – Михаил Егорович, үтүө күнүнэн! ССРС саҕана тыа сирин...
«Эн эмиҥ аттыгар үүнэр...»
Дьон | 30.03.2024 | 10:00
«Эн эмиҥ аттыгар үүнэр...»
Светлана Ивановна Попова – Нам улууһун Хатырык нэһилиэгин олохтооҕо, түөрт оҕо иһирэх ийэтэ, элбэх сиэн эйэҕэс эбэтэ. Кини Максим Аммосов төрөппүт кыыһа Лена Аммосованы, эдьиийэ Наталья Кировна кыыһа Мария Охлопкованы кытта өр сыллаах истиҥ сыһыаннарын сэһэргээтэ. 80-гар чугаһаабыт ытык кырдьаҕастан Саха сирин эмтээх үүнээйилэрин хомуйар ураты дьарыгын эмиэ туоһуластыбыт, ааҕааччыларбытыгар...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...