19.05.2023 | 00:27

Оскуола хапытаалынай өрөмүөнүн оҕолор эмиэ хонтуруоллуохтарын сөп

Оскуола хапытаалынай өрөмүөнүн оҕолор эмиэ хонтуруоллуохтарын сөп
Ааптар: Киин Куорат
Бөлөххө киир

Куорат баһылыгын иһинэн Оҕо уопсастыбаннай сэбиэтин мунньаҕар баһылык Евгений Григорьев Сэбиэт чилиэннэрин, үөрэнэр оскуолаларыгар хапытаалынай өрөмүөн ыытыллар буоллаҕына, хамыыһыйаны кытта тэҥҥэ хонтуруоллаһарга ыҥырда. 
Ол курдук, Куорат баһылыгын иһинэн Оҕо уопсастыбаннай сэбиэтин чилиэннэрэ бары даҕаны «Сыл бастыҥ учуутала», «Сыл бастыҥ баһаатайа», «Юный горожанин» хамсааһын бастыҥ хамаандата» курдук бөдөҥ күрэхтэргэ, «МУУС УСТАР» бэстибээлгэ тэрийээччилэринэн үлэлээбит уопуттаах оҕолор.
Ыам ыйын 18 күнүгэр буолан ааспыт Сэбиэт мунньаҕар оҕолор куорат баһылыга Евгений Григорьевка бэйэлэрин саҥа бырайыактарын билиһиннэрдилэр. Оҕолор кэпсээбит айар, социальнай бырайыактарын Евгений Григорьев болҕойон иһиттэ уонна боротокуолга  киллэрэн, сыыйа үлэлэһиэхпит диэн эрэннэрдэ. Бэлиэтээн эттэххэ, барыйыактар волонтердааһыҥҥа, оҕо айар дьоҕурун өйөөһүҥҥэ, туризмы сайыннарыыга, куорат оскуолаларын ситиһиилэрин кэпсиир медиа-балаһаакканы тэрийиигэ о.д.а. сыһыаннаахтар.
Сэбиэт маны сэргэ оҕо хамсааһыныгар көхтөөх кыттыы иһин түөскэ иилиллэр бэлиэнэн наҕараадалыыр былааннааҕын, онуоха анал бэлиэ дизайныгар айар күрэх биллэрэн эрэллэрин, бу анал бэлиэ оскуолатааҕы сыллар биир бастыҥ уонна үрдүк наҕараадата буолуохтааҕын билиһиннэрдилэр.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...