28.01.2022 | 18:00

«Омикрон» саҥа штаммын туһунан 7 түгэн

«Омикрон» саҥа штаммын туһунан 7 түгэн
Ааптар: Айталина Софронова
Бөлөххө киир

Роспотребнадзор буола турар быһыыны-майгыны кэтээн көрөр. Аҕыйах хонук иһигэр аан дойдуну тилийэ көппүт саҥа «омикрон» штаммыгар научнай уонна практическай уопуту ырытар. Ол уопут түмүгүнэн маннык ыйытыыларга хоруйдары бэлэмнээбит. 
Бэлиэтээн эттэххэ, Саха сиригэр саҥа штамм кэлэн, күннэтэ 1200-1500 киһи ыалдьар буолла.

1. Урукку штаммнартан «омикрон» туох уратылааҕый?

«Омикрон» штамм инкубационнай кэмэ быдан кылгас, билиҥҥи чахчыларынан, 2-5 хонук буолар. Бу иннинээҕи штамм инкубационнай кэмэ ортотунан 6-8 хонук этэ.

«Омикрон» штамм, «дельта» циркулированнай штаммын кытта тэҥнээтэххэ, 7 төгүл түргэн. Ол эбэтэр саҥа штамм быдан түргэнник тарҕанар.

«Омикрон» көрүҥүнэн ыалдьыбыт киһи бастакы сууккаҕа сыстыганнаах буолуон сөп.

 

2. Коронавирус утары быһыыны ылбыттар эмиэ ыалдьаллар дуо? Вакцина туһалаабат дуо?

Быһыыны ылбыт уонна COVID-19-нан ыалдьыбыт дьон саҥа  «омикрон» штаммынан ыалдьыахтарын сөп. Инфекция бу түбэлтэҕэ ОРВИ сибикитин курдук киирэр. Кыраадыс тахсар, төбө ыалдьар, ыарыһах тумуулуур, мунна бүөлэнэр.

 

3. «Омикрон» штамм ханна ордук тарҕанарый?

 «Омикрон» штамм вакцина кэннэ иммунитета суох дьон ортотугар ордук тэтимнээхтик тарҕанар.

 

4. Ордук ханнык көлүөнэ дьонугар кутталлааҕый?

Аҕам саастаах кырдьаҕастарга, хроническай патологиялаах, иммунитеттара намыһах дьоҥҥо.

Урукку штаммы кытта тэҥнээтэххэ, «омикрон» инфекциятынан  оҕолор ыалдьар буолбуттар. Оҕо ыалдьыыта омук сирин статистическай чахчыларынан көстөр.

 

5. «Омикрону» ыраастаан дуу, сууйан ду кэбиһиэххэ сөп дуо?

Тулалыыр эйгэҕэ «омикрону» дезинфекциялыыр сириэстибэлэринэн өлөрүөххэ сөп. Сиэпкитигэр куруук антисептиктаах уонна спиртээх салфеткалаах сылдьыҥ.

 

6. «Омикрон» хайдах бэриллэр? Туох эрэ уратылаах дуо?

Тарҕанар ньымата урукку штаммнартан туох да уратыта суох. 

 

7. Саҥа штаммынан ханна сыстыахха сөбүй ?

Салгыҥҥа сылдьан сыстыахха сөп, элбэх дьонноох уопсастыбаннай миэстэҕэ уо.д.а. Оптуобуска кытта, ыалдьыбыт киһи сөтөллөр буоллаҕына, сыстыахха сөп.

 

Манан сибээстээн Роспотребнадзор бэйэ уонна тулалыыр дьон доруобуйатын харыстыырга судургу быраабылалары тутуһарга ыҥырар! Уопсастыбаннай сирдэргэ мааскалаах сылдьыҥ, дистанцияны  тутуһуҥ, илиигитин сууна сылдьыҥ, антисептиктары туһаныҥ!

Бэйэҕитин харыстааҥ уонна доруобай буолуҥ!

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!