Олохтоох дьаһалтаҕа саҥа анааһын
Уокуруктааҕы «Сир сыһыаннаһыыларын агентствота» МХТ салайааччытынан Сергей Тимошенко ананна.
Сергей Васильевич Тимошенко 1990 сыллаахха Дьокуускай куоракка төрөөбүтэ. 2012 сыллаахха Арассыыйа Ис дьыалаҕа министиэристибэтин Уһук Илиҥҥи юридическэй институтун юрист идэлээх бүтэрбитэ. 2007-2017 сылларга Саха Өрөспүүбүлүкэтин Ис дьыалаҕа министиэристибэтигэр үлэлээбитэ. 2017-2018 сылларга – «ДальСибДистрибьюшн» ХЭТ куттал суоһаабатын хааччыйар сулууспа исписэлииһэ. 2019 сыл муус устар ыйыттан атырдьах ыйыгар диэри чааһынай бизнескэ үлэлээбитэ.
2019-2023 сылларга – Уокуруктааҕы «Сир сыһыаннаһыыларын агентствота» МХТ салайааччытын солбуйааччыта.
Бу иннинэ «Сир сыһыаннаһыыларын агентствота» МХТ салайбыт Акулина Друзьянова Баай-дуол уонна сир сыһыаннаһыыларыгар департамент салайааччытын солбуйааччытынан ананна.
***
Олохтоох дьаһалта иһинэн үлэлиир Муниципальнай инспекциялэр управлениеларын начаалынньыгынан Александр Лукин ананна.
Александр Иванович Лукин 1970 сыллаахха Саха АССР Нам оройуонун Нам сэлиэнньэтигэр төрөөбүтэ. 2002 сыллаахха Арассыыйа Ис дьыалаҕа министиэристибэтин Уһук Илиҥҥи юридическэй институтун юрист идэлээх бүтэрбитэ.
Үлэтин 1987 сыллаахха «Хатыҥ-Арыы» сопхуоска болуотунньугунан уонна суоппарынан саҕалаабыта. 1988-1990 сылларга Сэбиэскэй Аармыйа кэккэтигэр сулууспалаабыта. 1991-1992 сылларга Намнааҕы Ис дьыала салаатыгар үлэлээбитэ. Александр Лукин Арассыыйа Ис дьыалаҕа уорганнарыгар 2023 сылга диэри үлэлээтэ. Уопсай ыстааһа – 35 сылтан тахса.
Сонуннар
Ордук ааҕаллар
