Олох таһымын алын кээмэйин туппаттарын туһугар
![Олох таһымын алын кээмэйин туппаттарын туһугар](https://kiinkuorat.ru/wp-content/uploads/2022/08/yKJWsZe0Bi.jpg)
Олох таһымын алын кээмэйин саҕа кээмэйдээх харчыны бириистэптэр тутан ылбаттарын туһугар сайабылыанньаны Судаарыстыбаннай өҥөлөр порталларын нөҥүө биэриэххэ сөп буолла. «Цифровое исполнительное производство» саҥа суперсервиһи Суут бириистэптэрин федеральнай сулууспата уонна Цифровой сайдыы министиэристибэтэ оҥорон үлэлэттилэр.
Бу иннинэ иэстээх дьон исполнительнай производство тэриллибит подразделениетыгар тиийэн эбэтэр почтанан суругунан сайаапка ыытыахтаахтара. Билигин гражданнар хадатаайыстыба биэрэр сервиһинэн туһаналлар: https://www.gosuslugi.ru/600367/1/form эбэтэр робот Макс нөҥүө «прожиточный минимум» диэн суруйдахтарына, интерактивнай көмөлөһөөччү сайабылыанньаны толорорго көмөлөһөр.
Сайаапкаҕа иэстээх киһи олох алын таһымын кээмэйин саҕа харчыны хаалларар счетун реквизитин, баанын аатын, аадырыһын толору ыйар. Ону таһынан бэйэтин социальнай балаһыанньатын бэлиэтиэхтээх: биэнсийэлээх эбэтэр үлэлиир кыахтаах.
Сайабылыанньаҕа ыйдааҕы дохуотун туоһулуур докумуон сыһыарыллар. Иэстээх киһи инбэлиит аймаҕын иитэр буоллаҕына, суукка биэрэн, тыытыллыбат сууматын кээмэйин улаатыннарыан сөп. Суут оннук быһаарыыны таһаардаҕына, ону эмиэ сайабылыанньаҕа сыһыарыллар.
Суут бириистэбэ 17 үлэ күнүн устата сайабылыанньаны көрүөхтээх, туһааннаах уурааҕы таһааран, бааҥҥа толорууга ыытыахтаах. Ый аайы олох таһымын алын кээмэйин саҕа сууманы таарыйтарбат быраабынан иэстээх барыта туһанар кыаҕа суох. Холобур, элимиэннэрин төлөөбөтөх, доруобуйаҕа оҥоһуллубут хоромньуну толуйар эбэтэр иитээччи өлбүтүнэн эмсэҕэлээһини төлүүр, буруйу оҥоруу түмүгэр иэстэн төлөрүйэр дьоҥҥо маннык көрүллүбэт. Маннык бэрээдэк кирэдьиит ылбыт тэрилтэҕэ сайаапка кэллэҕинэ тарҕаммат.
2022 сыл олунньу 1 күнүгэр олоххо киирбит сокуонунан, олох таһымын алын кээмэйин саҕа харчыны хаалларар туһунан 1800-тэн тахса сайаапка киирбит.
1471 исполнительнай производство иһинэн 500 тыһ. солк. тахса гражданнарга хаалбыт.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)