28.09.2022 | 14:00 | Просмотров: 861

Октябрьскай уокурукка саҥа тиэргэн территорияларын арыйдылар

Саха сирин Судаарыстыбаннаһын күнүгэр өрөспүүбүлүкэ киин куоратын Каландаришвили уул., 1 уонна Ленин проспега, 46 аадырыстарга спортивнай балаһааккалаах саҥа тиэргэн территорияларын арыйдылар диэн иһитиннэрдэ Олохтоох дьаһалта пресс-сулууспата.
Ааптар: Киин Куорат
Бөлөххө киир

Олохтоохтору кытта оҥоһуллубут тиэргэннэри куорат баһылыга  Евгений Григорьев, Дьокуускай куораттааҕы Дуума бэрэссэдээтэлэ Альберт Семенов көрдүлэр.

Тиэргэннэри саҥардыы сакаасчыга – «Главстрой» МХТ, үлэни толорооччу – «Основа» ХЭТ.

Эбийиэктэргэ суоллары уонна парковкалары аспааллаабыттар, тротуардары, газоннаах уонна эрэһиинэ бытархайдаах (резиновые крошки) оҕо балаһааккаларын оҥорбуттар, аччыгый архитектурнай пуормалары, кытаанах бөҕү арааран мунньар баахтары туруорбуттар.

«Основа» ХЭТ прораба Евгений Илларионов иһитиннэрбитинэн, тутар-таҥар үлэ икки ый иһигэр түмүктэммит.

«Икки тиэргэн өрөмүөнэ от ыйын бүтэһигиттэн саҕаламмыта. Эбийиэктэргэ биэстии киһилээх икки биригээдэ үлэлээтэ. Оҕо оонньуур комплексын олохтоох тэрилтэ – «Элемент» ХЭТ оҥордо. Хара буору аҕаллыбыт, палисаднигы көҕөртүбүт, уулусса светильниктарын туруордубут», - диэтэ бэдэрээтчит бэрэстэбиитэлэ.

Тутааччылар олохтоохтор көхтөөхтөрүн бэлиэтээтилэр. Ол курдук, кинилэр территорияны хомуйсубуттар, массыыналары туруортаабыттар.

Ленин проспега, 46 дьиэ олохтоохторо тиэргэннэрин саҥа көстүүтүттэн астыналларын биллэрдилэр.

«Өрөмүөн үлэтин кыраҕытык кэтээтибит, сыыһаны-халтыны тута ыйан истибит. Урут тиэргэммитигэр уу хонор этэ, билигин этэҥҥэ буолар ини диэн эрэнэбит. Олохтоох дьаһалтаҕа, тутааччыларга уонна бары сыһыаннаах дьоҥҥо махталбытын тиэрдэбит», - диэтэ дьиэ олохтооҕо Любовь Бархатова.

Быйыл Дьокуускай куоракка 75 саҥардыллыбыт тиэргэн территорията арыллыахтара.

Сонуннар

Ордук ааҕаллар

Убаһа этэ туох кутталлааҕый?
Сытыы муннук | 05.11.2026 | 13:00
Убаһа этэ туох кутталлааҕый?
Идэһэ сезона саҕаланна. Убаһа этэ атыыга таҕыста. Ылан тоҥнуу сиэри салбанан олорооччу элбэх буолуохтаах...
Блиныны арааһыттан боруобалыахха
Сонуннар | 03.11.2026 | 16:00
Блиныны арааһыттан боруобалыахха
Оччотугар хайата ордугун быһаарыахпыт.
Бокуонньуктар счеттарын бэрэбиэркэлииллэр:  нэһилиэнньигэ суохтар үптэрэ судаарыстыбаҕа бэриллэр
Сонуннар | 03.11.2026 | 15:00
Бокуонньуктар счеттарын бэрэбиэркэлииллэр: нэһилиэнньигэ суохтар үптэрэ судаарыстыбаҕа бэриллэр
Владимир Путин нэһилиэнньигэ суох өлбүт дьон үптэрин-харчыларын уонна баайарын-дуолларын судаарыстыба бас билиитигэр биэрии бэрээдэгин олохтуур сокуоҥҥа илии баттаабыт.