Одуванчиктан мүөт

Биһиэхэ наада: 50 устуука одуванчик сибэккитэ, 350 гр. саахар, 150 мл. уу, лимон кислотатын бороһуога.

Сибэккилэрбитин сарсыарда, эбиэккэ диэри хомуйабыт. 350-400 мл. мүөтү бэлэмнииргэ аччаабыта 50 устууканы хомуйуохпутун наада. Үчүгэйдик тыллыбыт, араҕас одуванчиктары үргүүбүт.

Кичэйэн тэбиибит, сууйабыт. Кыптыыйынан араҕас сарбынньахтарын эрэ быһан ылабыт.

Дириҥ иһиккэ уган, уу кутабыт. Лимоннай кислотаны быһах уһугунан эбэбит. Манна ким төһөнү баҕарарын эбиэн сөп. Лимон кислотата араҕас өҥү биэрэр уонна саахары хойуннарбат. Ол иһин хайаан да туттабыт.

Кыра уокка оргута уурабыт, 2-3 мүнүүтэ тэптэрэн ылабыт. Онтон сиидэлиибит. Сибэккитин быраҕабыт – аны наада буолбат.

Араҕас уубутугар саахары эбэбит. Орто уокка 30 мүнүүтэ туруоран оргутабыт. Сойо илигинэ бааҥкаларга кутабыт. Сөрүүн сиргэ уурдахпытына өссө хойдуоҕа.

Маннык мүөт 2-3 ый тымныыга харайыллар. Лимоннаах чэйи кыта олус барсар.