19.03.2020 | 10:50

Оҕо саҥатын сайыннырар “этэрбэстэр”

Оҕо саҥатын сайыннырар “этэрбэстэр”
Ааптар: Киин Куорат
Бөлөххө киир

Оҕо саҥарар дьоҕурун бэйэ оҥоһуга оонньуурдарынан сайыннарыы олус интэриэһинэй уонна кэрэхсэбиллээх. Оонньууну, оҕо санаатын көрөн-истэн, салайан, уларытан биэриэххэ сөп. Арыт бииргэ оонньоон оҕоҕутун үөрдүҥ диэн сүбэлиибит. Бу интэриэһинэй оонньууну Дьокуускай куорат 82-ис №-дээх “Мичээр” оҕо уһуйааныгар тутталлар эбит.

Оскуолаҕа киириэн иннинээҕи саастаах оҕо остуол тула олорон оонньуур. Сукуна таҥастан оҕо тарбаҕар сөп буолар гына сахалыы тигиллибит этэрбэсчээннэр. Кыра оҕо доҕотторун кытта алтыһарын, сэһэргэһэрин

сайыннарар; доҕотторун ортолоругар кыбыстыбакка туттар-хаптар буолар; саҥарар дьоҕура сайдар; тылын саппааһа байар; санаатын этэр, үллэстэр; араас сорудаҕы толорор. Оҕо икки этэрбэһи ылан, хайа табыгастааҕынан тарбахтарыгар кэтэр, быатын түспэт гына баайар.

Оонньуу ис хоһоонунан көрөн, тарбаҕын хамсатар уонна: – хоһоон ааҕыан сөп; – ырыа ыллыыр; – чабырҕах ааҕар; – таабырын таайтарар; – үҥкүүлүүр; – оһуохайдыыр; – атах тэпсэ оонньуур; – футболлуур; – кылыйар; – ыстанар; – сүүрэр; – миэстэттэн ыстанар; – сасыһар; – эккирэтиһэр уо.д.а.

Оонньуур кэмигэр табыгастаах тыллары туттан саҥарар, кэпсиир.

Оҕолоргутун кытта бииргэ оонньооҥ!

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.