Үөнтэн-көйүүртэн харыстанар ньымалар

Самаан сайыммыт биир мөкү өрүтүнэн бырдах буолар. Санаабытыгар, сыл ахсын бырдахпыт, үөммүт-көйүүрбүт элбээн иһэргэ дылы. Инньэ гынан, бырдахтан харыстанар тэттик норуот сүбэлэрин билиһиннэрэбин.

Кытыан

Сайыҥҥы нуурал киэһэҕэ кутаа тула олоруоххутун баҕарар буоллаххытына, уокка кытыанна быраҕыҥ эбэтэр кытыан арыытын ыстарыҥ. Кытыан буруотугар бырдах чугаһаабат.

Чеснок

Сытын-сымарын аахсыбатахха, чеснок — бырдахха эмиэ олус туһалаах ньыма. 5-6 устуука орто чеснок өлүүтүн ылыҥ, үлтүрүтүҥ, итии уулаах ыстакааҥҥа 5-6 мүн. сытыара түһүҥ. Бэлэм ностуойу пульверизаторга кутан, холобура, балааккаҕатын ыстарыҥ. Тириигэ уонна таҥаска ыстардахха, сытын киһи эрэ барыта биһирээбэт.

Ванилин

Ванилин — үөнү-көйүүрү өлөрөргө саамай табыгастаах уонна көдьүүстээх ньыма, ордук оҥоойу өстөөҕө. Маҕаһыыҥҥа атыыланар бороһуогу тириигитигэр бистиҥ эбэтэр 1 г ванилиҥҥа уонна 10 г оҕо кремин булкуйан эккитин соттуҥ.

Лимон уонна эвкалипт

Бырдахтан харыстанар биир саамай көдьүүстээх ньыманан лимон уонна эвкалипт булкааһа буолар. 10 мл эвкалипт арыытыгар биир лимон согун булкуйан, аһаҕас эккэ-сииҥҥэ бистиэххэ сөп.