Норуодунай артыыс аата алмааска иҥэрилиннэ
![Норуодунай артыыс аата алмааска иҥэрилиннэ](https://kiinkuorat.ru/wp-content/uploads/2023/03/wG2zfYmv0Y.jpg)
«АЛРОСА» хампаанньа 60,99 караттаах ювелирнай алмааска РСФСР үтүөлээх уонна САССР норуодунай артыыһа Гавриил Гаврильевич Колесов аатын иҥэрдэ диэн хампаанньа пресс-сулууспата иһитиннэрдэ.
Гавриил Гаврильевич саха норуотун героическай эпоһа – «Олонхо» Юнеско киһи-аймах айан таһаарбыт үйэлээх баайын шедевринэн билиниитигэр улахан кылаатын киллэрбит киһинэн буолар.
Ол курдук, 1955 сыллаахха Гавриил Колесов «Дьулуруйар Ньургун Боотур» олоҥхо толоруутугар үлэтин саҕалаабыта. Кини өрөспүүбүлүкэ оройуоннарынан фольклору хомуйа, саха тылын уонна норуот эпоһын пропагандалыы, экспедициялары тэрийэн илдьэ сылдьара.
1986 сыл күһүнүгэр Гавриил Колесов Ленинград куоракка П.А.Ойуунускай «Дьулуруйар Ньургун Боотур» олоҥхотун матыыбынан тоҕус ырыаны уһултарбыта. Виниловай пластинкалаах тоҕус диискэ уһуна – 8,5 чаас.
Гавриил Колесов үлэтэ Бүтүн сойуустааҕы эрэ буолбакка, аан дойдутааҕы таһымҥа кытта киэҥ билиниини ылбыта.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)