06.09.2021 | 15:00

Нолуогу тоҕо төлүүбүт?

Нолуогу тоҕо төлүүбүт?
Ааптар: Айталина СОФРОНОВА

Нолуок – дойду хас биирдии олохтооҕун сокуонунан эбээһинэһэ. Нолуок харчыта дойдубут бүддьүөтүгэр киирэр, ол харчы судаарыстыбаннай уонна социальнай хабааннаах сыалга туттуллар: суоллары өрөмүөннээһин, оскуолалары уонна балыыһалары тутуу, уулуссалары тупсарыы, үөрэҕириигэ, аармыйаҕа уонна анал категорияларга көмөҕө. 
Хас биирдии тэрилтэ бэйэтигэр нолуок систиэмэлээх, оттон физическэй сирэйдэргэ – эмиэ.  Холобур, массыынаны бас билээччилэр тырааныспар нолуогун, дьиэни-уоту бас билээччилэр баай уонна сир нолуогун төлүүллэр. Бары хамнас ылалларыгар НДФЛ төлүүллэр. 
Нолуоктан аккаастанар табыллыбат. Сокуонунан ааҕыллыбыт буоллаҕына, ону төлүөхтээхпит. Өскөтүн куотунар түгэммитигэр итэҕэс  уонна иэс-күүс ааҕыллар, онтон күһэйэн туран иэскин тутуохтара.

Физическэй сирэйдэр

Баай-дуол нолуоктара. Онно тырааныспар, сир уонна баай-дуол нолуога киирэр.  Массыына, учаастак эбэтэр хамсаабат баай-дуол бас билиигэ сылдьар гражданнарга ааҕыллар.

Сыл аайы тустаах регистрацияны оҥорбут сирдэригэр эбэтэр нолуогу төлөөччү тус кабинетыгар ханна, туохха нолуок төлүөхтээхтэрин иһитиннэриитэ кэлэр. Онно нолуок эбийиэктэрэ, суумата уонна төлүүргэ анал реквизиттэр ыйыллаллар. Бэлиэтээн эттэххэ, эһиги дааннайдаргытыгар туох эмэ сыыһа-халты баар буоллаҕына, ону быһаарсыахха наада: сороҕор техническэй кэһиилэр тахсаллара баар суол.

Нолуок эбийиэктэрин туһунан иһитиннэриини nalog.ru порталга киирэн билсиэххэ сөп.

Хас биирдии нолуок бэйэтин формулатынан ааҕыллар уонна дойдуттан эмиэ улахан тутулуктаах. Үп-мал, баай нолуогун кэлэр сыл ахсынньы 1 күнүгэр диэри төлүөхтээхпит. Иһитиннэрии бу чыыһылаттан, биир да ыйтан ордук хойутаан кэлбэт.

Дохуоттан нолуок. Эһиги хамнас ылар буоллаххытына, НДФЛ ааҕыллар — дохуот сууматыттан 13 %. Бу харчыны хамнастан тута туталлар уонна бүддьүөт хааһынатыгар киллэрэллэр.

Сороҕор НДФЛ ааҕыллан баран, бэйэ төлөбүрүн ирдиир. Холобур, малы-салы атыылаатахха эбэтэр туора киһиттэн хамсаабат баай-дуол бэлэҕин туппут түгэҥҥэр. Оччоҕуна декларация түһэриэхтээххит, ол суумата бүддьүөт хааһынатыгар барыахтаах.

3-НДФЛ декларацияны кэлэр сыл муус устар 30 күнүгэр диэри биэрэллэр.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...