Үүнээйини олордууга уопсастыбаннай сүбэһит ананна

Дендропланерист, инженер-чинчийээччи Екатерина Павлова Дьокуускай куораты көҕөрдүү боппуруостарыгар баһылык уопсастыбаннай сүбэһитинэн ананна.
Ол туһунан Евгений Григорьев бүгүн, от ыйын 24 күнүгэр, бэнидиэнньиктээҕи былаанныыр мунньахха иһитиннэрдэ.
Екатерина Олеговна Павлова 2001 сыллаахха Волгоградтааҕы судаарыстыбаннай тыа хаһаайыстыбатын академиятын «агроном» идэлээх бүтэриэҕиттэн 22 сылтан ордук Ботаническай садка инженер-чинчийээччинэн үлэлиир. 
Саҥа уопсастыбаннай дуоһунаһыгар куорат киин уулуссаларыгар олордуллубут мастары көрүүгэ-истиигэ уонна эһиилги көҕөрдүү былааныгар сүбэлэри биэриэҕэ.