16.04.2020 | 14:11

Нэдиэлэтээҕи гороскоп. Муус устар 16-23 күннэрэ

Нэдиэлэтээҕи гороскоп. Муус устар 16-23 күннэрэ
Ааптар: Киин Куорат

Бараан

Саҥа дьарыктар, интэриэстэр көстүөхтэрэ. Ханнык да түгэҥҥэ сибиэһэй салгыҥҥа сылдьа сатааҥ, спордунан дьарыктаныҥ, даачаҕытыгар үлэлээҥ. Харантыыҥҥа хааллан олорор буоллаххытына, кыралаан өрөмүөннэ саҕалааҥ. Бэнидиэнньиктэн сэрэдэҕэ диэри карьераҕа, дьарыккын, үлэҕин уларытыыга тоҕоостоох күннэр. Кэллиэгэлэргин, доҕотторгун кытта сибээскин быһыма. Саҥа иһитиннэриилэри, идеялары үллэстэ олор.

Оҕусчаан

Барыта үчүгэй, салгыы өссө тупсан иһиэ. Үп-харчы кэлэр үүтүн-хайаҕаһын, бизнеһи кэҥэтиини толкуйдаа. Интэриниэт биэрэр кыаҕын туһанан, үөрэнэн хаал. Дьиэҕиттэн тэйиччи ханна эрэ үлэлиэххин сөп. Чэппиэргэ уонна бээтинсэҕэ саҥа сыаллары-соруктары туруорун, кэпсэтиилэри ыыт. Атын дьон туругунан оонньоомо, кими эрэ улаханнык өһүргэтиэххин сөп.

Игирэлэр

Туһата суох этиһиилэргэ бириэмэҕин бараама. Инникилээх сыһыаннары өйөө уонна сайыннар. Кимниин эрэ туһалаах бииргэ үлэлээһин эбэтэр истиҥ сыһыан олохтонуон сөп. Ханнык эрэ аймаххыттан бөдөҥ харчы эбэтэр сыаналаах бэлэх ылыаххын сөп. Өрөбүл күннэргэ үтүө сонуннары күүт.

Араак

Үлэҕэр актыыбынайгын, олох-дьаһах да биир кэм таһымҥа сылдьар. Кулун тутар ыйга элбэх күүскүн биэрбит үлэҥ оптуорунньукка эбэтэр сэрэдэҕэ бэрт кэбэҕэстик оҥоһуллуо. Тулалыыр дьоҥҥун саҥа ситиһиилэргэ, кыайыыларга кынаттаа. Доҕотторуҥ интэриэһинэй идеялардаах көтөн түһүөхтэрэ. Өрөбүллэргэ дьиэҕиттэн тэйиччи саҥа саҕахтар арыллыахтара. Бу билигин интэриниэт да нөҥүө оҥоһуллуон сөп.

Хахай

Биир ыстаныынан тугу эрэ оҥорор кыахтааххын эбэтэр ыарахан кэпсэтиигэ быһаарыныаххын сөп. Оптуорунньуктан чэппиэргэ диэри ханнык да улахан хамсаныыны, дьыаланы оҥорума. Эн булугас өйүҥ туох эрэ алдьаныыны эбэтэр кыһалҕаны туоратан, тулалыыр дьонуҥ убаастабылын, бочуотун ылыаҥ. Өрөбүл күннэргэ маҕаһыыннары кэрий, туох эрэ сөбүлүүр тэрээһиҥҥин оҥор.

Кыыс Куо

Саҥа дьыаланы саҕалыырга бэртээхэй нэдиэлэ. Барыта орун-оннугар буолан иһиэ. Күүһүҥ-уоҕуҥ толору, ол эрэн туохтан эрэ долгуйар, куттанар буоллаххына, өһүллүөххүн сөп. Кутталлаах дьонтон тэйиччи сырыт. Чэппиэргэ элбэҕи оҥор, ситис, атын күннэргэр сынньанар гына. Наадата суохтан босхолон, ордуктаах буоллаххына, дьоҥҥо бэрис. Өрөбүл күннэргэ ону-маны атыылаһыаххын сөп.

Ыйааһыннар

Эр дьон ону-маны бэрт чэпчэкитик көҕүлүөхтэрэ, өһөс буолуохтара, быһаарыы ылыныахтара, эппиэтинэс сүгүөхтэрэ. Дьахталлар да хаалсыахтара суоҕа. Чаҕылхай, турбут-олорбут, түргэн, сытыы дьон улахан ситиһиилэниэхтэрэ. Тапталга, дьылҕаны быһаарарга бэртээхэй нэдиэлэ. Айар үлэнэн, тугу эрэ оҥоруунан дьарыктаныаххыт. Харантыынтан иҥнэн туруоххут суоҕа. Онон араас дьыала, иһитиннэрии толору күүтэр.

Ооҕуй

Өрөмүөн, тутуу үлэлэрэ, аймахтарыҥ дьылҕаларыгар кыттыы бу күннэри аралдьытыахтара, бириэмэҕин ылыахтара. Туһалаах билсиһии, сыаналаах иһитиннэрии ылыаххын сөп. Атыыны-эргиэни кытта сибээстээх тиэмэнэн дьарык туһаны аҕалыа. Төһө да дьиэҕэ олордоргун, харчы оҥоруоххун наада. Өрөбүл күннэргэ туох эрэ улаханы атыылаһыаххын сөп.

Охчут

Бэйэҕин туттуна сырыт, этиһиэ суохтаах киһигин да кытта тыл-тылга киирсимиэххин сөп. Ону таһынан, стресс доруобуйаҕар охсорун умнума. Олоҕу түннүк нөҥүө кэтээбитиҥ ордук, сынньалаҥы дьиэҕэр атаар. Сэрэдэттэн бээтинсэҕэ диэри туох эрэ саҥаны киллэр. Улахан уларыйыылар иһэллэр, онуоха дьон идеяларын иһит. Сокуону кэһимэ, мантан сылтаан соччото суох түгэҥҥэ түбэһиэххин сөп.

Чубуку

Бэнидиэнньиктэн саҕалаан былааннаргар күөх уот тыгыа. Наадалаах ааннар барыта аһыллан биэриэхтэрэ. Билигин тугу да уларытар санааҥ суох буоллаҕына, саҥа сибээстэргин кэлин туһанаар. Дьиэтээҕи дьыалаҕын, эбээһинэстэргин толоро сырыт. Кэлэр нэдиэлэҕэ бириэмэҥ тиийиэ суоҕа. Эбии үлэ биэрдэхтэринэ, аккаастаныма. Тус олоххор туох да эрэннэриини биэримэ.

Күрүлгэн

Барытын кириитикэлии сылдьыыҥ, барыттан-бары астыммат буолууҥ тулалыыр дьоҥҥун кытта сыһыаны сытыырхатыахтара. Элбэҕи үлэлээ, соҕотох сылдьа сатаа, дьону кытта тэйиччиттэн кэпсэт. Нэдиэлэ бастакы аҥаарыгар дьыалаҥ элбиэ, оҥорор болдьоҕуҥ кылгаан биэриэ. Чэппиэргэ саҥа интэриэстэр үөскүөхтэрэ. Билигин оҥоро сылдьарыҥ, инники ситиһиигэр туһалыа. Доруобуйаҕын харыстан, көрүнэ сырыт диэн сулустар сүбэлииллэр.

Балыктар

Чугас дьонуҥ өйөбүллэригэр наадыйаҕын, онон кинилэргэ эмиэ болҕомтоҕун уур. Үп-харчы боппуруоһун дьиэ кэргэҥҥэр көтөҕүмэ. Сибиэһэй идеялар киириэхтэрэ, туһалааҕынан дьарыктаныаҥ. Чэппиэргэ уонна бээтинсэҕэ үтүө түгэннэр тосхойуохтара. Өрөбүллэргэ ис туругуҥ тупсуо. Дьыалаҥ элбэх, ол да буоллар онно эрэ сынньанаргын умнума.

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Дьокуускай куорат мин харахпынан
Куорат олоҕо | 12.09.2021 | 10:00
Дьокуускай куорат мин харахпынан
Сахабыт сирин килбэйэр киинэ, тапталлаах куораппыт 389 сааһын томточчу туоларынан барыгытын эҕэрдэлиибит. Биһиги ааҕааччыларбытыттан Дьокуускай куорат дьон олороругар туох үчүгэйдээҕин уонна мөкү өрүттэрдээҕин ыйыталастыбыт.   Маргарита, 29 саастаах, маҕаһыын атыыһыта: Куорат кытыытынааҕы оройуоннары тоҕо сайыннарбаккыт? Куорат киинигэр түргэнник кэлэр-барар уустук. Уопсастыбаннай тырааныспары  уларытыахха уонна сайыннарыахха наада. Биһиги ааспыт үйэ 70-с...
Тамара Верховцева: «Куһаҕаны, үчүгэйи барытын кэпсиибин»
Дьон | 14.09.2021 | 13:30
Тамара Верховцева: «Куһаҕаны, үчүгэйи барытын кэпсиибин»
Хаһыаппытыгар дөрүн-дөрүн ураты дьоҕурдаах, айдарыылаах дьону тиһигин быспакка сырдатабыт. Манна даҕатан эттэххэ, кинилэр бэйэлэрин талааннарын кэмэ кэллэҕинэ эрэ биирдэ кэпсииллэр. Бүгүҥҥү дьоруойбун кытта бу кыһын кэпсэтиэхтээх этибит да, кэмэ илик буолан, соннук хаалан хаалбыта. Тамара Прокопьевна Верхоцевалыын төлөпүөнүнэн сэһэргэстим. - Дорообо! Саха дьонун сиэринэн кэпсэтиибитин бэйэҕин билиһиннэрииттэн саҕалыахха... - Үөһээ...
Түргэн сокуускалар
Тускар туһан | 12.09.2021 | 09:00
Түргэн сокуускалар
Сорох бырааһынньыкка, араас фуршеттарга ол-бу канапелар, рулеттар, тарталеткалар “былааһы ылаллар”. Маннык түргэн сокуускалары киһи дьиэҕэ да астаныан сөп. Иһиккит көрүөх бэтэрээ өттүгэр кураанахтаммыта эрэ баар буолуо.   Лаваштан рулет Туох наадата: лаваш – 1 устуука, туустаах оҕурсу – 3 устуука, кытаанах сыыр – 75 г, сымыыт – 3 устуука, куурусса...