Нэдиэлэ устата 920 куб хаар таһылынна
Олохтоох дьаһалта пресс-сулууспата иһитиннэрбитинэн, «Якутдорстрой» АУо анал тиэхиньикэтэ төгүрүк суукканан уулуссалартан, болуоссаттартан уонна искибиэрдэртэн хаары ыраастыыр.
Бүгүн, алтынньы 17 күнүгэр, хаары ыраастааһыҥҥа уонна полигоҥҥа таһыыга 8 КО-806 массыына, 16 самосвал, 4 бобкэт, уонна биир фронтальнай погрузчик үлэлииллэр. Болуоссаттары уонна тротуардары сиппийиигэ 6 МТЗ-82 тыраахтыры туһаналлар.
Билигин үлэ Кальвица, Лермонтов, Ярославскай уулуссаларыгар уонна Бүлүүлүүр суолга ыытыллар.
Суукка иһигэр хаары ыраастааһыҥҥа уонна уулуссаларга бытархай хайыр тааһы кутууга «Якутдорстрой» АУо 70-ча анал тиэхиньикэтэ үлэлиир.
Нэдиэлэ устата полигоҥҥа уопсайа 920 куб хаар таһылынна.
Сонуннар
Ордук ааҕаллар



