22.03.2023 | 17:00

Нэдиэлэ устата 67 ыты туттулар

Нэдиэлэ устата  67 ыты туттулар
Ааптар: Киин Куорат
Бөлөххө киир

Ааспыт нэдиэлэҕэ Дьокуускайга 67 бэйдиэ сылдьар ыт тутулунна, дьиэ кыылын көҥүлэ суох күүлэйдэтиигэ 7 боротокуол толорулунна, диэн Олохтоох дьаһалта иһитиннэрэр.

Территорияны кытта үлэҕэ департамент салайааччыта Владислав Слепцов бэлиэтээбитинэн, 2023 сыл саҕаланыаҕыттан 697 көҥүл сылдьар ыт быстах тутар кэм пуунугар аҕалыллыбыт.

“Күн бүгүн пууҥҥа 1268 ыт хараллан турар. Эриэйдэ тэрээһинэ былаан быһыытынан ыытыллар, ааспыт нэдиэлэҕэ 7 боротокуол оҥоһуллубут эбит буоллаҕына, сыл саҕаланыаҕыттан 72 боротокуол толорулунна”, - диэн Владислав Слепцов иһитиннэрдэ.

Бэлиэтээн эттэххэ, бэйдиэ сылдьар ыттары тутууга “Помоги выжить” аһымал пуондаттан икки биригээдэ, Бэйдиэ сылдьар ыттары тутууга үлэлэһэр сулууспа үс биригээдэтэ уонна Огонеров ИП икки биригээдэтэ күннэтэ тахсар.

Дьиэ кыылын иитии быраабылатын кэһиигэ 2014 с. атырдьах ыйын 1 күнүнээҕи 237 №-дээх СӨ Бырабыыталыстыбатын дьаһалыгар олоҕуран, гражданнарга административнай эппиэтинэс сүктэриллэр уонна сэрэтии эбэтэр ыстараап көрүллэр. Бастакы сырыыга 1000 солкуобайтан 1500 солкуобайга диэри уонна 3000 – 5000 солк. диэри иккистээн түбэһиигэ.

Бэйдиэ сылдьар ыттары көрдөххүтүнэ, аадырыһын ыйан туран хаартыскаҕа түһэрэн эбэтэр видеоҕа устан иһитиннэрии оҥорон уокуруккут социальнай ситимнэригэр ыытыҥ.

Биир кэлим дьуһуурунай-диспетчерскэй сулууспа нүөмэрэ – 44-42-51

Үлэ күнүгэр 8(914) 261-06-98 нүөмэринэн чат-бот иһитиннэриилэри ылар. Дьокуускай куорат МЦУ телеграм ханаала https://t.me/mtsuykt.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Иван Федоров:  «Сылгы саҥарбат эрэ буруйдаах»
Дьон | 28.03.2024 | 10:00
Иван Федоров: «Сылгы саҥарбат эрэ буруйдаах»
Кулун тутар 21 күнэ – Саха Өрөспүүбүлүкэтигэр Сылгыһыт күнэ.  Статистика чахчыларын көрдөххө, 2024 сыл тохсунньу 1 күнүнээҕи туругунан Саха Өрөспүүбүлүкэтин үрдүнэн 178 856 төбө сылгы, ол иһигэр 122 452 биэ баар. Оттон 2017 сыллаахха, Сылгыһыт күнэ олохтоммут сылыгар, сылгы уопсай ахсаана 183 889 тиийэн турбут. Маны сэргэ ааспыт 2023 сылга...