14.06.2023 | 12:39

Нэһилиэнньэни кытта көрсүһүүлэр тыын кыһалҕалары быһаараллар

Нэһилиэнньэни кытта көрсүһүүлэр тыын кыһалҕалары быһаараллар
Ааптар: Киин Куорат
Бөлөххө киир

Бэс ыйын 13 күнүгэр баһылык Евгений Григорьев нэһилиэнньэни кытта уочараттаах көрсүһүүтэ суол, хаарбах дьиэттэн көһөрүү, гаастааһын кыһалҕаларын тула буолла.

Ол курдук, Андрей К. куорат баһылыгар Бүлүүлүүр суол 13 км даачаларын олохтоохторун аатыттан суолларын муниципальнай бас билиигэ ылларар туһунан көрдөһүүлээх. Санатар буоллахха, Андрей К. бу боппуруоһу Олохтоох дьаһалта иннигэр өссө 2019 сыллаахха туруора сылдьыбыт. Евгений Григорьев Баайга-дуолга уонна сир сыһыаннаһыыларыгар департамены инники көрдөһүү тоҕо уһаабытын быһаарар ис бэрэбиэркэни ыытарга  сорудахтаата итиэннэ Бүлүүлүүр суол 13 км хаһаайына суоҕунан билинэн, муниципалитет бас билиитигэр биэрэр үлэни ыытарга дьаһайда. Оттон Куораты тутууга уонна тырааныспар инфраструктуратыгар департамент ыйыллар суолу өрөмүөн былааныгар киллэрэргэ, ирдэбилгэ хоруйдуур туруктаах оҥорорго, Куорат хаһаайыстыбатын дьаһайар сулууспа (СЭГХ) даачаларга киирэр суолу грейдердииргэ сорудахтаннылар. Андрей К. маны сэргэ сайыҥҥы кэмҥэ күөллэрэ уоларын туһунан эттэ.
55А кыбаартал олохтооҕо элбэх оҕолоох Елена С. «Кырдьаҕас куорат. Залог» баараҕай бырайыагы олоххо киллэриинэн хаарбах дьиэлэртэн көһөрүү боппуруоһун ыйыталаһар. Чуолаан бас билээччиттэн хамсаабат баайы, дьиэтин, сир учаастагын атыылаһыыга тус быраабын туоһуласта.
«Дьиэ сыанатын туһунан докумуон баар буоллаҕына, куорат атыылаһыан сөп. Онон хаһаайыттар лицензиялаах тэрилтэттэн сыанабыллаах уонна дьиэ саахалланар туруктааҕын туһунан ыспыраапкалаах буолуохтаахтар», - диэн быһаарда  Евгений Григорьев.
Куорат олохтооҕо Иван П. чааһынай дьиэтигэр гаас киллэртэриэхтээҕин олорор оройуонугар гаас кыамтата кырата атахтыырын, Татьяна Е. хаарбах туруктаах дьиэтин оннугар «Птицефабрика» түөлбэтигэр ылбыт саҥа кыбартыыратын атын уокурукка уларыттарар кыах баарын-суоҕун ыйыталаста.
Санатар буоллахха, баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.
Сайабылыанньаны ыытар ньымалар:
– yakutsk@sakha.ru Олохтоох дьаһалта официальнай электроннай почтата;
– 40-80-76 төлөпүөнүнэн;
– Дьокуускай к., Ленин проспега, 15 аадырыска тиийэн;
– Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
Уопсастыбаннай туоналарга куоластыырбытын умнубаппыт
Сонуннар | 03.04.2024 | 10:30
Уопсастыбаннай туоналарга куоластыырбытын умнубаппыт
Кулун тутар 15 – муус устар 30 күннэригэр эһиил, 2025 сылга, тупсарарга былааннанар эбийиэктэри быһаарар Бүтүн Арассыыйатааҕы куоластааһын буолар турар. Куоластааһыҥҥа 14-тэн үөһэ саастаах Арассыыйа гражданнара 14.gorodsreda.ru балаһааккаҕа киирэн, сөбүлээбит бырайыактарын талан кыттыахтарын сөп.  Дьокуускай куорат олохтоохторо быйыл Гагарин аатынан сквер, Щорс күөлүн кытыла, Сэргэлээх күөлүн кытыла (ДСК оройуона), Теплай...