Нэһилиэнньэни «Географическай диктант - 2023» аахсыйаҕа кыттарга ыҥыраллар

Аахсыйа кыттыылаахтарыгар диктант хас даҕаны вариана бэриллэр, хас биирдиитэ Арассыыйа географиятыгар сыһыаннаах 40 ыйытыылаах. Ыйытыылар, уустугуттан көрөн, икки чааска араарыллыбыттар, онон ким баҕарар судургу ыйытыыларга хоруйдуон сөп. Сорудахтарга олус интириэһинэй чахчылар киирбит буолан, тэрээһин олус кэрэхсэбиллээх.

«Географическай диктант - 2023» аахсыйаҕа кыттарга регион балаһааккатыгар регистрацияны ааһыахха наада. Ол курдук, сайтка киирэн бэйэбит олорор сирбитинэн балаһааккабытын талабыт – http://dictant.rgo.ru.

Диктант туһунан сиһилии информация эмиэ сайтка баар – http://dictant.rgo.ru.

Аахсыйа сылын аайы 2015 сыллааххтан Уопсастыба попечительскэй сэбиэтин бэрэссэдээтэлэ, Арассыыйа Федерациятын бэрэсидьиэнэ В. В. Путин көҕүлээһининэн ыытыллар.  

Аҕыс сыл устата аахсыйаҕа 3 мөлүйүөнтэн тахса киһи кытынна. Былырыын, 2022 сыллаахха, аахсыйа бары континеннарга, ол иһигэр Антарктидаҕа, итиэннэ Норуоттар икки ардыларынааҕы космическай станцияҕа ыытыллыбыта.

Бэлиэтээн эттэххэ, аахсыйа саҕаланыаҕыттан өрөспүүбүлүкэбит кыттааччытын уонна балаһааккатын ахсаанынан инники күөҥҥэ сылдьар.