15.12.2023 | 10:00

«Наливайкалар» иннилэрин ыларбыт ыраах...

«Наливайкалар» иннилэрин ыларбыт ыраах...
Ааптар: Айыына КСЕНОФОНТОВА
Бөлөххө киир

Нэһилиэнньэ үҥсэн-үҥсэн, уопсастыбаннас өрө туран, өр туруорсан, Ил Түмэн “арыгы сокуонугар” уларытыылары киллэрбитэ – бу ааһан эрэр сылга уопсай ситиһиибит буолла. Ол эрээри күн бүгүн “наливайкалары” кыайдыбыт-хоттубут диэн этэрбит эрдэ.

Куорат баһылыга Евгений Григорьев иһитиннэрбитинэн, бэнидиэнньиккэ быраабы араҥаччылыыр уонна хонтуруоллуур уорганнары кытта сымыйа кафелары тула мунньах ыытылынна. Ол курдук, балаҕан ыйын 1 күнүттэн киирбит хааччахтааһыннарга 80 кэриҥэ арыгынан эргинэр уопсастыбаннай ас-үөл тэрилтэтэ хабыллар. Бүтэһик чахчылар кэпсииллэринэн, сэтинньи бүтүүтэ онтон 43-һэ сабыллыбыт. 22 “наливайка” хаста эмит сэрэтии ылбытын үрдүнэн  (улахаҥҥа уурбата оччо дуу?) күн бүгүҥҥэ диэри үлэлии турар. Онтон атыттар – үлэлэрин хайысхатын уларыппыттар эбэтэр реконструкцияҕа сабыллыбыттар. Манна даҕатан эттэххэ, сорох-сорохтор, хааччахтааһыннарга эрэ хабыллымаары, сокуон ирдэбиллэригэр хоруйдуур араас үүтү-хайаҕаһы көрдүүллэр.

Итинэн буоллаҕына, төһө да хонтуруоллуур, кэтиир үлэ тиһиктээхтик ыытыллыбытын иһин, сымыйанан “кафе” аатын ылан турар саарбах тэрилтэлэр иннилэрин ыларбыт ыраах быһыылаах. Барыстаах бизнестэн ким барыан баҕарыай...

“Дьүүллэһии түмүгэр СӨ Урбааҥҥа уонна туризмҥа министиэристибэтин, прокуратураны уонна полицияны кытта үлэни күүһүрдэргэ сүбэлэстибит. Маны сэргэ, СӨ Судаарыстыбаннай тутууга уонна дьиэни-уоту хонтуруоллааһыҥҥа управлениета бэйэтин өттүттэн “наливайкалар” саҥардан, уларытан оҥостоллорун кыраҕытык кэтиэн наада. Ис дьыала министиэристибэтэ дьон арыгы атыыланар бириэмэтин тутуспакка, “наливайкалартан” аһыы утаҕы көҥүл атыылаһан тахсалларын тохтотор үлэни ыытарын курдук сүбэлэстибит. Мин санаабар, атыыһыттары кыратык ыстарааптыахтааҕар, тэрилтэ бас билээччилэригэр, урбаанньыттарга (ИП) уонна хааччахтаммыт эппиэтинэстээх тэрилтэлэргэ (ХЭТ) кээмэйэ ботуччу, хас эмэ уонча төгүл улахан ыстараабы суруйуохха наада”, – диэн куорат баһылыга телеграм-ханаалыгар санаатын үллэһиннэ.

Ити курдук, сымыйа кафелары утары үлэ салҕанар, хонтуруол бары өттүттэн күүһүрэр.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....