Нацбырайыагынан тутуллар суолларга үлэ саҕаланна

«Главстрой» МКУ иһитиннэрэринэн, Дьокуускай куоракка «Хаачыстыбалаах уонна куттала суох суоллар» нацбырайыагынан быйыл сайын түмүктэниэхтээх 19 эбийиэктэн 5-гэр тутуу үлэтэ саҕаламмыт.
1.Можайскай уулуссатын Пилоттар уулуссаларыттан Строд уулуссатыгар диэри (2,190 км) учаастак бүгүҥҥү күҥҥэ 30% бэлэм. Эбийиэккэ 4 экскаватор, 1 погрузчик, 1 прораб, 3 маастар, 6 оробуочай үлэлээн саҕалаабыттар.
2.Макаренко уулуссатыгар (0,380 км) ыытыллар хапытаалынай өрөмүөн 5% бэлэм, манна 1 экскаватор, 2 автосамосвал үлэлииллэр.
3.Винокуров уулуссатын Ильменскэй уулуссатыттан Чайковскай уулуссатыгар диэри (1,014 км) кэрчигин саҥардан оҥоруу 61,5% бэлэм. Манна 1 экскаватор, 4 оробуочай үлэлээн эрэрллэр. 
4.Генерал Притузов уулуссатын хапытаалынай өрөмүөнэ (1,155 км) 3% бэлэм, эбийиэккэ 1 погрузчик, 2 автосамосвал массыына үлэлээн саҕалаабыттар
5.Бүлүүлүүр суол Лермонтов уулуссатыттан Объездной шоссеҕа диэри (1-кы комплекс, 1,415 км) өрөмүөнэ 60% бэлэм. Манна 1 манипулятор, 1 автосамосвал, 2 экскаватор, 5 оробуочай үлэлээн эрэллэр.
Бу күннэргэ, ол эбэтэр муус устар 15 күнүттэн 21 күнүгэр диэри, эбии 2 эбийиэккэ хапытаалынай өрөмүөн үлэтэ саҕаланаары турар:
- Рыдзинскай уулуссатын Жорницкайтан Халтурин уулуссатыгар диэри кэрчигэ;
- Заречная, Новая уулуссалар, Тепличнай переулок уонна Пригороднай бөһүөлэгэр оскуолаҕа киирэр суол быһа охсуһуута.
Салгыы муус устар 22-28 күннэригэр Можайскай уулуссатын Севастопольская уулуссаттан Өктөөп 50 сыла автострадаҕа диэри учаастагын хапытаалынай өрөмүөнэ саҕаланаары турар.
Хаалбыт 11 эбийиэккэ үлэ ыам - бэс ыйдарыгар саҕаланыаҕа. 
Маны таһынан уопсайа 9,028 км усталаах национальнай бырайыагы таһынан өрөмүөннэнэр 8 эбийиэктэн түөрдүгэр үлэ саҕаламмыт: Набережнай уулусса бастакы түһүмэҕэ (0,600 км), Ойуунускай уулуссатын Дежнев уулуссатыттан Октябрьскай уулуссаҕа диэри кэрчигэр «Азия оҕолоро» НИСО аналлаах парковкаҕа диэри, Бөҕү сүөкүүр ыстаансыйа суолун бастакы түһүмэҕэ (1,400 км) уонна Роман Дмитриев аатынан кытыл (1,134 км).
«Куттала суох уонна хаачыстыбалаах суоллар» бырайыагынан 2019 сылтан Дьокуускай куоракка уопсайа 164 км усталаах суол ирдэбилгэ эппиэттиир гына оҥоһулунна, диэн иһитиннэрэр Олохтоох дьаһалта пресс-сулууспата. "Главстрой" МКУ хаартыскалара.