15.03.2023 | 11:00

«Муус устар» бэстибээлгэ бастыҥ волонтердарга бириэмийэ туттарыахтара

«Доброволец Якутии» региональнай бириэмийэҕэ кыттарга 50-тан тахса сайаапка киирдэ диэн СӨ баһылыгын уонна бырабыыталыстыбатын пресс-сулууспата иһитиннэрдэ. Түмүк, «Муус устар» бэстибээл чэрчитинэн, кулун тутар 24 күнүгэр «Триумф» ЦСП тахсыаҕа.
«Муус устар» бэстибээлгэ бастыҥ волонтердарга бириэмийэ туттарыахтара
Ааптар: Киин Куорат
Бөлөххө киир

«Саха Өрөспүүбүлүкэтин волонтердарын кытта үлэлиир киин» автономнай кэмиэрсийэтэ суох тэрилтэ дириэктэрин солбуйааччыта Евгений Амбросьев бэлиэтээбитинэн, куонкурус Саха сиригэр аан бастакы төгүлүн ыытыллар, билигин өрөспүүбүлүкэ оройуоннарыгар сүүмэрдиир түһүмэх буола турар. Бириэмийэ 12 номинациянан барар, хас биирдиитигэр үс бириистээх миэстэлээх. Кыайыылаахтар Саха сирин аатыттан Бүтүн Арассыыйатааҕы таһымнаах тэрээһиннэргэ кыттыахтара.

Бэстибээл кэмигэр «Триумф» ЦСП иккис этээһигэр баҕа өттүнэн үлэлиир хамсааһыннар балаһааккалара тэриллиэҕэ –«Волонтер-медиктэр», «Кыайыы волонтердара» уонна «Култуура волонтердара». Кинилэр араас тэрээһиннэри ыытыахтара. Итини таһынан, итиннэ «Саллаакка сурук» суруйуохха, анал байыаннай дьайыы кыттааччыларыгар гуманитарнай көмөнү туттарыахха сөп. Гуманитарнай көмөҕө наадалаах таҥаһы – бэргэһэлэри, наскылары, ис таҥаһы уо.д.а. аҕалар тоҕоостоох.

Евгений Амбросьев эбэн эппитинэн, Саха сиригэр спортивнай тэрээһиннэр волонтерстволара үчүгэйдик сайдыбыт. Өрөспүүбүлүкэҕэ Бүтүн Арассыыйатааҕы, норуоттар икки ардыларынааҕа күрэхтэһиилэр, турнирдар уонна чемпионаттар буолаллар. Итини таһынан, 2019 сылтан ордук күүскэ сайдыбыт социальнай волонтерство баар, холобур, коронавирус пандемиятыгар улахан үлэ барда.

«Пандемия кэмигэр волонтерскай хамсааһыҥҥа өрөспүүбүлүкэ үрдүнэн 3500-тэн тахса киһи кытынна. Билигин волонтердар анал байыаннай эпэрээссийэ кыттаалаахтарын дьиэ кэргэттэригэр көмөлөһөллөр. Холобур, куоракка гуманитарнай көмөнү хомуйаллар уонна ыыталлар. Оройуоннарга хаһаайыстыбаҕа көмөлөһөллөр: мас хайыталлар, муус киллэрэллэр. Ол иһин социальнай уонна тэрээһиннэргэ үлэлиир волонтерство – Саха сирин сүрүн хайысхалара», – диэтэ Евгений Амбросьев.

Билиҥҥи туругунан өрөспүүбүлүкэҕэ 16 210 волонтер баар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.