Муус устар 11 күнүттэн 17-с кыбаарталтан көһөрүү туһунан көһө сылдьар консультацияланар саҕаланаллар

«Өрөспүүбүлүкэтээҕи ипотека агентствота» анал сулууспата АУо (РИА) иһитиннэрэринэн, бүгүҥҥүттэн, муус устар 11 күнүттэн, cаҥа тутуллар «Спортивнай» дьоҕус оройуоҥҥа көһө сылдьар офиска гражданнартын докумуоннары тутуу уонна көһөрүү туһунан консультациялары ыытыы саҕаланар.

Көһө сылдьар офис оптуорунньук уонна чэппиэр ахсын сарсыарда 10:00-12.30 чч. Пионерскай уул., 38/1 дьиэтигэр 12-с кв. үлэлиир.

Муус устар 11 күнүгэр былааннанар бастакы консультацияҕа маннык дьиэлэр олохтоохторо ыҥырыллаллар: Пионерская уул., 38/1, Пионерская уул., 40/1, Якутская уул., 63, Якутская уул., 61/1, Якутская уул., 59, Якутская уул., 63/1, Якутская уул., 55, Якутская уул., 57, Якутская уул., 57/1, Якутская уул., 59/1, Пионерская уул., 40.

Сиһилии РИА нэһилиэнньэни көһөрүүгэ салаатын төлөпүөннэринэн билсиэххэ сөп: 8(4112) 50-86-30, 8(924) 163-33-68.

Санатар буоллахха, «Спортивнай» дьоҕус оройуон киин куорат 2-с, 4-с уонна 17-с кыбаарталларын саҥардан оҥоруу чэрчитинэн олоххо киирэр. Саҥа түөлбэҕэ 46 элбэх мэндиэмэннээх дьиэ, 2 оҕо саада, 2 оскуола, элбэх функциялаах спорт комплекса тутуллуохтара. Оройуоҥҥа барыта 14 тыһыынча кэриҥэ киһи дьиэлэниэҕэ, диэн иһитиннэрэр «РИА» СЗ АУо пресс-сулууспата.