27.12.2019 | 10:43

МОРУОС ОҔОННЬОР УОННА ХААРЧААНА СЫАНАЛАРА ТӨҺӨНҮЙ?

МОРУОС ОҔОННЬОР УОННА ХААРЧААНА  СЫАНАЛАРА ТӨҺӨНҮЙ?
Ааптар: Киин Куорат

Саҥа дьыл үүнэр алыптаах кэмигэр улаханныын-кыралыын аптаах-хомуһуннаах остуоруйаларга, дьиктигэ-дьиибэҕэ итэҕэйэбит. Наука этэринэн, бу – туох да куһаҕана суох быһыы. Ол курдук, остуоруйаларга итэҕэйэр оҕо, улааттаҕына, олоххо тардыһыыта кытта күүстээх буоларын учуонайдар дакаастаан тураллар.

Төрөппүттэр ордук оҕолорбутун үөрдээри, бу бырааһынньыгы таһымнаахтык бэлиэтииргэ кыһаллабыт. Дьокуускайга Моруос Оҕонньору уонна Хаарчаананы ыҥыран эҕэрдэлэтии сыанатын билээри, куорат үгүс фирмаларыгар тахса сырыттыбыт. Саҥа дьыл кылаабынай дьоруойдарын эҕэрдэлэрин сыаналара ортотунан 2500 солкуобайтан саҕаланар эбит.

Аны туран, Моруос Оҕонньор уонна Хаарчаана эҕэрдэлэрин сыаната ахсынньы 30 күнүгэр эрэ диэри удамыр. 31 чыыһылаттан 1000 солкуобайынан ыарыыр. Тохсунньу 2 күнүттэн Эргэ Саҥа дьылга диэри өссө 1000 солк. эбиллэр эбит.

Моруос Оҕонньор Хаарчаананы кытта кэлэн эҕэрдэлиирэ, оҕоттон биир хоһоон истэрэ (эбэтэр хороводтуура), сып-сап соҕустук бардаҕына, 15 мүнүүтэ буолар. Ити үөһээ ыйыллыбыт сыаналар бары 15 мүнүүтэлээх эҕэрдэҕэ суоттаммыттар.

30 мүнүүтэлээх эбэтэр 1 чаастаах эҕэрдэҕэ суруллубукка эбии туох эмэ көрдөөх оонньуу эбиллэр эбэтэр сюжеттаах оонньооһун буолар. Холобур, “Эйиэхэ кэлэн истэхпитинэ бэлэххин ким эрэ уоран ылбыт, көрдүөххэ эрэ” диэн оҕону квест-оонньууга көҕүлүүллэр. Ол сыаната, биллэн турар, икки бүк үрдүүр.

Аниматордар оонньотоллоро 5000 солк. саҕаланар. Тиэмэтин, дьоруойдарын, остуоруйаны бэйэҕит талаҕыт. Куорат кытыытыгар, ыраах олорооччуларга эбии 500-1000 солк. эбиллэр. Тэрилтэлэргэ, оҕо уһуйааннарыгар 3000 солкуобайга кэлиэхтэрин сөп үһү.

МОРУОС ЭЛБЭЭБИТ

Тымныы Моруос Оҕонньор уонна Хаарчаана оруолун толорор дьон быйыл хаһааҥҥытааҕар да элбээбиттэр. Ону Инстаграмҥа элбэх саҥа аккаунт арыллыбыта кэрэһилиир. Биһиги, холобура, 20-чэ Моруоска эрийэ сырыттыбыт. Кинилэр кэккэлэригэр “холтууралаары” Моруостуур бытыга суох эдэр оҕолору кытта уопуттаах театр артыыстара бааллар, саха Чысхаанын кытта буолуохха сөп.

Инстаграм кэпсииринэн, саамай былдьаһыктаах, аныгы тиэрмининэн эттэххэ, «топовай” арыыстар – бииргэ төрөөбүт Шариннар эбит. Эһээ Дьыл оруолугар – СӨ Филармония артыыһа Николай Шарин, Хаарчаана – өрөспүүбүлүкэҕэ биллэр виртуоз-хомусчут Василена Шарина. Кинилэр быйыл номнуо алтыс сылларын кырачааннарга саҥа дьыллааҕы настырыанньаны, дьолу-соргуну бэлэхтииллэр. Оҕолордоох дьон-сэргэ олус хайҕыыллар. Көстүүмнэрэ тупсаҕайынан, уобарастарын толорор таһымнарынан улахан да киһини итэҕэтиэх курдуктар.

ХАРЧЫ КЭМЧИ БУОЛЛАҔЫНА

Моруос Оҕонньору дуу, Эһээ Дьылы ыҥыран ылан оҕолоргутун эҕэрдэлиир үпкүт суох буоллаҕына, санааҕытын олох түһэримэҥ!

Билиҥҥи оҕо үксэ суотабайдаах, эбэтэр төрөппүттэрин төлөпүөннэрин баһылыыр, онон билэр дьоҥҥутугар сөҥ соҕус куоластаах эр киһини булан төлөпүөнүнэн эрийтэриэххитин сөп. Эҕэрдэлиир киһи, оҕону итэҕэтэр туһугар, бастаан  хайаан да кини ситиһиилэрин хайҕыахтаах, онтон баҕа санаатын этиэхтээх.

Өссө биир албас – интэриниэккэ киэҥник тарҕаммыт роликтар бааллар. Онно оҕо аатын, сааһын, сөбүлүүр дьарыгын, киниэхэ тугу баҕараргытын суруйан биэрдэххитинэ, бэйэтигэр эрэ туһуламмыт эҕэрдэ буолан көстөр. Оҕоҕут чахчы сөҕүө-махтайыа. Оннук роликтар, холобур, https://newyear.mail.ru сайтка сыллата тахсаллар, наһаа үчүгэйдэр.

Сатаан ааҕар буолбут оҕоҕо Моруос Оҕонньор сурук суруйуон сөп. Оннук өҥөнү саха ыччата эмиэ баһылаабыт. Дьэрэкээн кэмбиэрдээх, оҕоҕут туһунан туох информацияны биэрэргитинэн сиэттэрэн суруллар аптаах суругу 150 солкуобайтан саҕалаан сакаастыахха сөп. Инстаграмҥа булар судургу – хастар даҕаны.

Сонуннар

Ордук ааҕаллар

Эссетэ суруй – смартфонна сүүй!
Сонуннар | 13.05.2021 | 10:59
Эссетэ суруй – смартфонна сүүй!
1991-1992 сылларга бүттүүн норуот өйө-санаата уһуктуутунан кынаттанан тахсыбыт национальнай оскуолалары саҥардыы Концепцията бигэргэтиллэн олоххо киирэн барбыта. Оччотооҕу Национальнай Концепция быйыл 30 сылын туолла. Концепцияттан үгүс чаҕылхай ыччат, сайдам санаалаах дьон үүннүлэр. Национальнай Концепция үбүлүөйдээх сылын көрсө, “Киин куорат” хаһыат уонна “Ийэ тыл кэскилэ” түмсүү ЭССЕ КҮРЭҔИН биллэрэллэр.  Концепция аҕалбыт туһатын,...
Оҕону сахалыы иитэр ньыма — алтыһыы уонна эйгэтин тэрийии
Дьон | 10.05.2021 | 20:34
Оҕону сахалыы иитэр ньыма — алтыһыы уонна эйгэтин тэрийии
Виталий Архипович Слепцов “Ийэ тыл кэскилэ” түмсүү быйыл Төрөөбүт тыл күнүгэр ыыппыт сэргэх тэрээһинигэр дьиэ кэргэниниин кэлэн кыттыбыттарын олус хайгыы көрбүтүм. Онно Виталий “Аҕа биһигэ” диэн бэйэтин ийэтэ айбыт олус истиҥ ырыатын киһини уйадытардыы толорбутун көрөөччү бары сэҥээрбитэ. Түмүгэр өссө “Аҕалар оҕо иитиититтэн туора турумуоҕуҥ!” диэн ис хоһоонноох ыҥырыытын, оруннаах...
Уус идэтэ киһини тардар ураты күүстээх
Дьон | 10.05.2021 | 09:26
Уус идэтэ киһини тардар ураты күүстээх
Ютубка кэргэннии Сыромятниковтар “Сардаана: сахалыы канал” диэн дьоҥҥо-сэргэҕэ олус туһалаах биэриилэрин көрбүт буолуохтааххыт. Бүгүн “Эр бэрдэ”  балаһабытыгар, сайдам санаалаах сайаҕас ыал аҕа баһылыга Иван Сыромятников ыалдьыттыыр. Сытыы харахтаах, сымса туттуулаах Кини Анаабыр улууһуттан төрүттээх, хоту дойду хоһуун уолана. Омугунан эбэҥки. – Иван Алексеевич, үтүө күнүнэн! Кэпсэтиибитин төрүттэргиттэн саҕалыах. – Аҕам...
Ырыа күнэ киэҥ далааһыннаахтык бэлиэтэниэҕэ
Сонуннар | 12.05.2021 | 21:55
Ырыа күнэ киэҥ далааһыннаахтык бэлиэтэниэҕэ
Бүгүн, ыам ыйын 12 күнүгэр, СӨ Мелодистарын ассоциацията тэриллибитэ 30 сылынан Ырыа күнүн ыытыы туһунан СӨ култуураҕа уонна духуобунай сайдыыга миниистирэ Ю.С. Куприянов 229-ОД №-дээх бирикээһэ таҕыста.  Онно олоҕуран, 2021 сыл ыам ыйын 21 күнүгэр СӨ Мелодистарын ассоциацията тэриллибитэ 30 сылынан Ырыа күнэ онлайн көрүҥүнэн ыытыллыаҕа. Бу күнү үрдүк таһымҥа...