14.10.2022 | 08:30

Мобилизация кэмигэр кирэдьииппит хайыырый?

Бу күннэргэ бааннар мобилизацияламмыт дьонтон уонна кинилэр дьиэ кэргэттэриттэн «кирэдьиит өрөбүллэригэр” сайаапкалары ылан саҕалаатылар. Тустаах сокуон алтынньы 7 күнүттэн күүһүгэр киирдэ.
Мобилизация кэмигэр кирэдьииппит хайыырый?
Ааптар: Айталина Софронова
Бөлөххө киир

Саха сирин олохтоохторо ордук «Сбербаан” уонна “ВТБ” баанынан туһаналлар. Бу икки баан сайаапкалары саҥа бырагырааманан нэһилиэнньэттэн хомуйа олороллор.

 

«Кирэдьиит өрөбүллэрэ» диэн тугуй?

Бу – баантан иэс ылбыт дьон ыйдааҕы төлөбүрдэригэр чэпчэтиини биэрэр кэм: кирэдьиит төлөбүрүн болдьоҕун «тоҥорор» эбэтэр кээмэйин намтатар. Бары ирдэбиллэри тутустаххытына, баан аккаастыыр кыаҕа суох. Бу сокуонунан мэктиэлэнэн турар.

Эбэн эттэххэ, иэс ылбыт киһи кирэдьиитин историята «мөлтөөбөт», болдьоҕу аһарыы иһин ыстараап ааҕыллыбат уонна солуок төлүүр эмиэ ирдэниллибэт.

 

Ким туһанар бырааптааҕый?

Анал байыаннай эпэрээссийэ кыттыылаахтара:

Мобилизациянан хабыллыбыт киһи;

Хантараагынан байыаннай дьайыыга кытта сылдьар дьон уонна национальнай гвардия байыастара;

ЫБММ быыһыыр-байыаннай сулууспаларын үлэһиттэрэ, байыаннай прокуратура;

Арассыыйа сиригэр-уотугар баар пограничнай сулууспа үлэһиттэрэ;

Баҕа өттүлэринэн хантараак түһэрсибит дьон.

Кинилэр дьиэ кэргэттэрин чилиэннэрэ: кэргэттэрэ, сокуоннай саастарын ситэ илик, доруобуйаларынан хааччахтаах оҕолор, 23-гэр диэри саастаах күнүскү үөрэххэ (очно) үөрэнэр устудьуон оҕолор.

 

«Өрөбүллэри» ханнык кирэдьииттэринэн ылыахха сөбүй?

Ханнык баҕарар потребительскай кирэдьииккэ. Холобура, ипотекаҕа, массыына ипотекатыгар, кирэдьиит картатыгар. Дуогабар мобилизация кэмигэр эбэтэр  байыаннай дьайыы иннинэ түһэрсиллибит буолуохтаах.

Кирэдьиит ахсаана уонна кээмэйэ хааччахтаммат.

 

Ханнык болдьоххо бэриллэрий?

Мобилизацияламмыт кэмигэр, хантараагынан эбэтэр анал байыаннай эпэрээссийэҕэ кытта сылдьар кэмигэр. Ону таһынан эбии отут күн көрүллэр. Өскөтүн иэс ылбыт киһи бу кэмҥэ ыалдьыбыт эбэтэр эмтэнэ сытар түгэнигэр, болдьоҕо уһатыллыан сөп.

 

«Кирэдьиит өрөбүллэрин» ылар туһунан хаһан этиэххэ сөбүй?

Дуогабар болдьоҕун устатыгар, ол гынан баран 2023 сыл ахсынньы 31 күнүттэн хойутааһына суох.

 

Хайдах оҥотторобут?

Кирэдьиит ылбыт бааҥҥар төлөпүөнүнэн эрийэн эбэтэр электроннай аадырыс нөҥүө сайабылыанньа биэрэн иһитиннэрэҕин. Сибээс ньымата кирэдьиит дуогабарыгар ыйыллар, ону сирийэн көрүҥ. Эбэтэр баантан чуолкайдыахха сөп.

Манна барытыгар уруулуу дьон буоларгытын туоһулуур докумуоннар наадалар. Баан бэйэтэ Арассыыйа Оборонаҕа министиэристибэтиттэн тустаах докумуонун ирдиэн сөп.

 

Чэпчэтиилээх кэм кэнниттэн кирэдьиити хайдах төлүөххэ сөбүй?

Кирэдьиит болдьоҕо “кирэдьиит өрөбүллэрин» кэмигэр уһатыллар. Ыйдааҕы төлөбүрдэр уларыйбаттар. Бу түгэҥҥэ баан кирэдьиити төннөрөр саҥа графигы оҥорон биэрэр.

 

Ханнык түгэннэргэ иэс толору сотулларый?

Өскөтүн иэс ылбыт киһи I группалаах инбэлиит эбэтэр олохтон букатыннаахтык туораабыт түгэнигэр. Кини дьиэ кэргэнин чилиэннэригэр эмиэ иэс сотуллар. Маннык «өрөбүл» 2022 сыл олунньу 24 күнүн кэнниттэн ылыллыбыт кирэдьииккэ тарҕанар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...